左麟右李演唱會2009

情人節成個晏奏去左整條腰，足足搞左差吾多四粒鐘，但等都等左成粒鐘...夜晚就去左左麟右李演唱會，應該係「板長壽司呈獻香港2009東亞運動會‧左麟右李演唱會」(個名超長~)　因為係最後一場，23:55先完場，真係抵睇！估唔到出碟無耐既克勤，一首新歌都無唱。但都好，校長同克勤始終都係d舊歌好聽！舞台設計比我想像中還要簡單，可能看過sammi演唱會的舞台後，比較期待多變化既舞台設計。服裝方面，克勤著的全都由SPY的Henry Lau設計，而校長則是由Vivian Cheung設計，克勤同校長既sytle都唔可以著得太玩野，所以全部衫既cutting都係簡簡單單既西裝款多，但件件都例必閃爆!尾場嘉賓係Kelly，但相比被臨時拉上台吹水既曾志偉，阿叻，陳友同半個演唱會MC既錢嘉樂黎講，佢地吹水果part比嘴都唔想咪既Kelly好睇好多，起碼有得笑下！冠名係「東亞運動會」，連財爺曾俊華都有黎捧場；難免要加插一part關於東亞運動會既表演，係就係娘左d，但都OK既，藍球Hip hop果part比較精彩。另外好喜歡一part將克勤同校長既歌兩首merge埋一首黎唱，效果幾好又有d新鮮感！而視覺上最吸引我既唔係個台，都唔係d衫，係克勤除衫XD佢個胸的確操得好fit！但個身好瘦，影得佢個頭好大囉XD　

比較特別係呢段，克勤同校長既歌crossover黎唱再加旋轉升台，天花既「鐘乳石」其實係燈光效果黎，曉走燈轉色。


呢part佢地擺埋d好搞笑既pose唱住情歌，又著到咁，基得黎又幾好笑XD


呢套算係克勤最跨既一套衫，後面有朵超大既玫瑰，現場睇幾靚！


克勤件件衫都係低胸露隙~最後encore著既呢件綠色和服print西裝好唔惦~

coca cola ZERO CM on air!!

香港終於播VS show girl version既CM！真係好~係日本既coca cola zero　CM今日都開始全國播放！廣告拍得超型，不過臨尾果shot爭d，破壞哂成個咁cool既CM，background music　"WILD"雖然下個月先出single，但已經可以download lu!咁型既CM係youtube睇既質素實在太差~所以建議大家去日本可樂zero個官睇，仲有埋wallpaper同making of 睇添！快d去呢度睇下啦http://www.cocacola.jp/zero/tvcm/index.html#/wild15/

V.M.一週年

係堡記已經做左2年零4個月，上年既呢個時候開始轉左做V.M.(visual merchandiser)，好多人問點解要轉，一來我隻右眼以前做完barrier laser後，當對得個笀耐（包括電視同電腦）,右眼眼球後面就會扯住痛,不過而家好好多喇,可能少對電腦關係吧。二來係堡記做既graphic可以話唔係graphic黎，來來去去唔係crop相就係做pop排字，仲要對住好"creative"既老爺,呢下先難頂~至於做左一年既V.M.，最好係可以唔洗成日坐係office,可以出街做野, 有時又可以早放工XD V.M.既工作除左要設計window之外（不過係堡記既window都係無設計可言...亦都唔係我設計既），仲要諗props，同埋襯outfit（即係幫公仔襯衫）,唔好以為堡記Ｄ衫易襯，其實好鬼難襯，係童裝同Yb(youth line)最好襯！另外每次轉季前，都會係demo shop將d新貨排一次，俾其他dept. approve後，再落舖執場,通常大約一個月就要落舖一次，每次都會一連落兩個星期，走暈全港九新界離島澳門既堡記。咩叫排貨？通常會將Ｄ衫by color或者by style咁排放，望埋去會整齊好多，唔排貨既話,就會好似花園街果Ｄ舖頭咁囉XD 所以做V.M其實都有唔少野做。但講真丫，做graphic好玩好多，好似以前係六叔度做，雖然年年都要諗母親節，新年，情人節既廣告，但起碼可以諗下concept,headline（最鐘意諗headline!),又可以做leaflet,玩下printing。而最後可以係雜誌,地鐵燈箱，巴士車身...見到自己個廣告，雖然未必係自己滿意之作（因為實俾老闆改到天花龍鳯）但總有唔少滿足感呢！

spring09 window,終於有個簡簡單單既window！


啱啱轉左做童裝同Yb，Yb既衫算係堡記中最靚最似樣既一條line，做起黎都開心Ｄ！


antony砌既男裝，留意側掛有件格仔恤layering件粗間黃白色tee,真係佢先夠膽咁襯,但佢自己又唔敢咁著XD


同karen拆檔後，佢轉左做女裝，堡記既女裝係最難砌，睇就睇唔到有幾難~做落先知呢


我就由男裝轉左同jerry拍檔，佢最叻玩花臣野，今次props就簡單Ｄ玩花花草草。

日本coca cola ZERO

安室繼Vidal Sassoon做左代言人後，估唔到連日本可口可樂都搵安室拍廣告,勁！9/2日本將推出新既coca cola zero,除零糖分外,仲話零防腐劑，其實同而家飲既zero有咩分別呢？不過我唔鐘意飲汽水,除非樽身有安室個樣啦，如果唔係都唔會買XD,不過張海報就好想要喇~

BoA-BEST&USA

18/3BoA將推出第二隻精選大碟，本來對BoA出best album無咩興趣，因為一直都有買開佢既single，但今次出best有少少特別，都有d複雜，有2CD+2DVD,2CD及CD only三個版本。專輯名為BEST&USA，故名思義同BoA去年進軍美國既歌曲有關，2CD+2DVD及2CD版本會有一隻全日文精選專輯以及將於17/3在美國推出的全英文專輯，DVD就會收錄由「DO THE MOTION」打後歌曲既PV以及製作既花絮影片。而CD only就收錄14首日文精選曲及兩首BoA進軍美國debut既英文歌「Eat You Up」及「I Did it For Love」。BoA既日文歌聽得多，比較期待英文專輯多D!
2CD+2DVD

2CD

CD only