新娘化妝造型班（第一二堂）

前排同兩個女同事討論做v.m.行頭窄之餘，人工都唔會高得去邊。大家都想係呢段市況差嘅時候搵外塊，一諗就諗到做新娘化妝，大部份跟一日新娘化妝造型，可以賺＄3500以上，就算市況唔好，都係大把人結婚，唔怕無得做。所以我同karen就搵左間相對平d嘅學，逢星期五返兩個鐘，啱啱上完第二堂，頭一個鐘會學化妝，第二個鐘學set頭。
第一堂學嘅馬尾，唔係普通用橡根紮馬尾，要用兩條橡根加兩個髮夾黎紮。

仲有學左單卷，都幾難做得靚。

呢個就係單卷，要卷到成個頭都係做練習。

第二堂學嘅倒縫法，アムロさん喺PLAY tour個頭就係呢種頭喇XD

每堂導師都會幫我地影相，得我同karen兩個包堂上，唔洗一大班一上，幾好！

下堂開始就會實習埋化妝，應該會幾好玩^^

面白いデザイン

前排上網搵ref.做fall concept時，睇到唔少好搞鬼嘅design,post上黎俾大家睇下。



calvin klein應該出個咁嘅紙袋啦！



同樣嘅concept，但呢個正經好多XD


非常方便兼企理處理茶包嘅杯，唔洗滴到周圍都係茶漬。


呢個啱哂我阿媽用，邊睇電視邊食花生。


呢排有卡路里顯示嘅朱古力，最啱d怕肥嘅女仔食，食都食少d！但應該唔會有朱古力生產商造呢種朱古力囉XD


三腳筷子，愛黎夾牛丸魚蛋最好，但會唔會難揸呢？


想砌幾多層都得，幾好！


呢個兩用衣架，唔用時掛係到可以當勾咁用，正！


啱哂我呢d細粒嘅人用，唔洗擔梯，勁方便！拉開當櫈坐都得!

腰傷腳痛（後話）

前一個「前言」post同呢個「後話」可能有d悶，但不吐不快，驚悶嘅可以唔睇....自問女仔黎講由細到大都好認得痛下，唔怕"poke"親，唔怕打針，可能因為我好怕d少少事就喊哂嘅女仔，慢慢自己就變得越黎越硬淨。再加上細細個已經病痛多，大左有六隻牙要做牙橋，右眼要做laser補視網膜，之後再做矯視，最難過嘅都係幾年前嘅抑鬱病，真係未試過嘅人唔會明白有幾難捱，唔好以為開朗識諗就唔會有呢個病，都唔好以為只係心情唔開心咁簡單，係一種精神折磨黎，當時暴瘦到88磅...好辛苦地總算捱過呢個病，遺留落黎嘅後遺症間唔中都會出現，但都頂得住下。家下又黎腰患復發？點解咁黑？果時睇抑鬱病，日日飲中藥，每星期都要過海睇中醫，每個月都花二千幾醫藥費。
而家睇腰，仲辛苦過以前睇中醫，差唔多日日都要去整腰，本記事薄除左愛黎mark住幾時姨媽到外，全部都係mark住整腰嘅時間。之前講過醫嘅方法最主要係「復位」，復位前後都必定要做足５次推拿，治療，做一次要兩個鐘，唔好以為做完好爽，做完係攰到咩咁！預約平日嘅話最遲6點要到，做完8點，早訓嘅我基本上無乜時間做其他野。話明最遲６點要到，即係返工要早退啦！成日咁早退，背後聽到唔少說話，呢d說話又其次，有時見佢地ot，自己都唔好意思早退呢！星期六都係例牌去整腰，復位的話，更要花一個晏奏嘅時間...，所以每逢星期五，大家互問「聽日去邊到玩？」我一定答「睇腰囉！」對方就會話「睇咁耐都未好嘅？」我好想話「我都想快d唔洗睇，洗錢，花時，又攰，又要睇人面色兼說話，仲有好多野要做同唔做得！」有咩要做同唔做得？
1.唔好蹺腳 (唔難改吖)
2.最鐘意打波嘅我，所有都唔做得，唯一運動只有游水，但我唔識...
3.唔食得酸野，辣野，糯米（係酸野難介d姐）
4.坐得太耐同行得太耐都唔得! (咁我可以撈乜？)
5.每日都要載住個腰封，只有沖涼訓覺先可以除，戴左腰封兩個月左右，因為長期咁咕住，個胃成日都痛~
6. 假設復左"右股骨"的話，至少兩星期訓覺唔可以側右邊訓，落床都唔能夠轉右邊身落床（我上星期復左左股骨，所以而家唔可以轉左邊訓）
7.訓覺前要丁兩個專用暖包敷住腰訓
9.早晚都要搽藥膏
10.盡量唔好彎身執野，"擒高mouse低"都唔好，搬重野唔洗講實唔得（但做vm呢d野成日會做...都唔好意思成日叫人幫你做野啦)

仲有好多小習慣要做~到而家一共復左三次位，已經洗左過萬，仲要繼續復位....所以近排心情麻麻，有時身邊嘅人係到呻窮~（月尾個個都窮架啦！咁我呢？），一係話做完運動肌肉好痛，有得做運動已經好好，我無得做仲要日日都痛...每個月仲要白供五百幾蚊俾myoga ，因為唔做得運動，無得去~

多謝閣下睇完呢篇超長嘅post^^

腰傷腳痛（前言）

六七年前去紅館睇女排，走既時候落雨，當落隊道落到最後一級樓梯時，因為顧住收遮，一唔小心就「扇」倒，雖然只係一級樓梯，但可能地下濕,"扇"得特別勁，我坐低係地下時，係有幾秒係睇唔到野，白色一遍，坐左陣先起得身。之後去睇跌打，兩三個月左就好返，無痛喇！直至年半前開始覺得隻右腳扯得好厲害，再睇醫生先知原來關我條腰事。係呢年半裡，睇過無數咁多中西醫，入過廠照MRI（磁力共震），做過物理治療，針灸，艾灸，跌打，推拿，做機（一部唔知咩機，效果幾好，但做一次要幾千蚊！），加埋睇左8個醫師+醫生=_="，最後都係時好時唔好，無根治到。直至上年年尾，同事介紹我睇一間經絡醫師，我同事同我嘅症狀差唔多，佢睇好左，但就睇左萬幾蚊。雖然好貴，見佢好返我唯有試下啦！第一次上去，會安排見一個女醫師鄔教授（來頭好似好勁，尋找隱世醫術介紹過），佢會睇你嘅x光片MRI片，診症之後會安排做推拿+治療（用脈衝機貼穴位），當做夠5次推拿+治療，令d筋健鬆左，就可以安排「復位」（即係將移左位嘅骨推返正），而復位後，又一定要連續5日做治療，目的係固定被移位骨。而每次復位基本上只可以復一個位，而每復完一次後，大約要兩星期後先可以再復位。價錢方面，推拿+治療有package咁買，每樣十次要$3600，而復位大約$1500-$1800一次，要視乎復咩位置。而我嘅問題主要係腰嘅椎間盤受損，咁啱壓住右腳神經，所以右腳會扯住痛。嚴重嘅話，莫講話彎腰，連腳都會麻痺，行都行唔到，訓覺會痛到訓唔到，連打乞嗤，咳都會痛。所以腰傷的確唔同一般扭親手腳，唔醫後患無窮...

兩椎之間就叫椎間盤，內有軟骨、神經...我就係最尾腰4,5移左位

江門day trip

上星期五一行四人晨早撘8:30上江門，目的係去間公仔廠到睇公仔兼試身。由中港碼頭去，足足坐左差唔多三個鐘!!。工廠附近都係郊區黎，好鄉下，周邊多數係魚塘同埋Ｄ鐵屋仔，磚屋都唔多。撘車去廠途中，見到一架電單車，坐左三個人都唔算勁，坐最後果個女人"咩“住個B，而中間個女人右手攬住個師機，左手“玩"住個B係側邊，當個B係貨物咁~見個B吹住風食哂塵，大陸人真係咩都做得出!十一點幾去到廠，拿拿淋揀公仔兼試衫，搞到十二點幾，廠既人叫我地去飯堂食飯，我地都預左唔會太乾淨，但人地咁有誠意，點都要俾下面食既。一到飯堂，枱面有六個餸，有魚有肉加幾十隻周圍飛既烏繩...Ｄ餸已經放左半個鐘有多但又無用蓋蓋好，點敢食吖~我都算勇敢架喇，食左幾啖飯+五粒魚蛋+半條菜+半粒炒蛋+半粒薯仔，同行既connie比我更怕污漕，佢只係食左一粒魚蛋~~~食完一個鐘後,我就肚痛喇，好在無肚柯，因為個廁所都係“異常乾淨“無分男女既mouse廁。最後趕撘3:30船，又坐三粒鐘返香港...

成百個裸男裸女任揀，企既坐既訓既mouse既，乜pose都有XD

是日午餐：蒸鯇魚（太多骨，無食），燒鴨（太多烏繩嬲住，唔敢食），煎饟三寶（淨係食魚蛋），炒蛋（驚係假蛋，食左半粒），炒生菜（都係太多烏蠅嬲，夾最底果d，食左半條），唔知咩汁既薯仔（凍冰冰，食左一粒仔XD)

江門飯照一張XD

就係靠呢個人形鐵架做base，再係上面用泥用手搓成個公仔出黎，好厲害！

差唔多完成既公仔模，乾左後就可以將佢cut開一半再去倒模，之後就可以大量生產喇！

Let's get WILD

18/3出既雙Ａ面細碟WILD/Dr（即兩首都是主打曲,通常single只有一首係主打曲）既cover同WILD既PV都有得睇喇！拍得幾靚，隻舞又幾好睇,期待安室黎香港時會唱呢首歌:)至於個cover，最初睇細相時，覺得麻麻。不過去官網睇大相就覺得影得幾靚，我比較喜歡CD only版多Ｄ！

WILD-PV

Watch Namie Amuro "WILD" PV  |  View More Free Videos Online at Veoh.com
WILD/Dr cover


想download WILD同Dr.既mp3的話可以去http://mpfreepark.blogspot.com/