伊藤由奈 HK mini concert

好難得又有日本歌手黎香港，C3日本動玩博覽係九展舉行，其中請左主唱GUNDAM00片尾曲Trust You嘅伊藤由奈黎開左個超mini嘅concert。早前有消息話會唱大約90分鐘(實情唱左半個鐘)，入場卷要$300，雖然三舊水嘅演唱會，係香港起碼可以聽足三個鐘。但我又唔覺得好貴，因為日本歌手開concert都係唱兩個中左右，一張飛要五六百蚊，所以好多去睇呢個mini concert嘅香港人抱住$300起碼聽足兩三個鐘嘅諗法而失望。講返個concert，係九展演講廳舉行，會場好細，可以好近咁睇到yuna，八點半左右，著住條綠色one piece裙高踭鞋嘅yuna慢慢行出黎，係夏威夷大嘅yuna當然用流利嘅英文同觀眾打招呼，仲用講左幾句廣東話添，之後就唱左以下幾首歌...

1.Precious　(瞭亮嘅聲線，全場靜哂咁聽，呢首歌少d氣都唱唔到，的確係實力嘅表現！)
2.Brand New World (收錄於最新single"Trust You"裡面嘅一首輕快歌曲，yuna叫全場起身跟住拍子拍手，估唔到會唱呢首...)
3.今でも会いたいよ　(同嘉賓陳栢宇合唱，無啦啦彈個陳栢宇出黎，有點格格不入）
4.Trust You (GUNDAM00片尾曲唔洗講一定會唱)
之後同幾個fans玩左個估歌仔game就全場叫encore...跟住就唱左最後一首，應該係半首先啱
5.Endless Story (首本名曲，清唱半首，但高音部份竟然唱唔到~呢段我偷拍左hehee...下面有得睇)

yuna唱Trust You時喊左黎，莫非座我後面果十個八個fans令佢好感動？完場後，觀眾可以係場外買yuna嘅唱片後排隊等yuna簽名，日本好少可以咁好賣大包任簽名呢！yuna嘅fans真幸福~
一貫曲髮look+長裙嘅yuna，

激似李珊珊，不過真人無咁大隻XD

主持介紹話請到jason chan做嘉賓，我都唔知邊個係jason chan，eason chan就唔同XD，陳栢宇出場時當然無咩大歡呼聲啦，怇唱嘅部份好少，所以專注力都係放係yuna度。


Endless Story我諗yuna都唱左n咁多次，以佢嘅實力估唔到唱到高音部份會甩甩地，不過整個concert都唱得好好!

胃酸倒流

上星期五晚訓覺時不停有胃氣湧上黎，每下胃氣湧上黎時胸口都會痛，第二朝起身就感覺到好似有野梗住係食道咁，飲好多水感覺如是。之後不論吞口水，飲水食野，每當食物吞到落胃後，胸口又會痛一下，成餐飯吞幾十啖，就痛幾十下....一直以來胃氣都比較多，近月黎胃酸都成日湧上黎，我諗呢d都係胃酸倒流嘅先兆。再上網睇有關資料，胸口痛係最明顯嘅病徵，尋晚走去睇醫生。d藥好似無咩料到咁~好多人問我咩係胃酸倒流？咩人會胃酸倒流？有咩病徵？最簡短嘅答案如下：

咩係胃酸倒流？
食道末端與胃部之間防止胃酸倒流的賁門鬆了，不能正常關上，令到胃酸可以沖上食道，形成胃酸倒流。

病徵：
胸口灼熱疼痛，喉部感到有異物，長期喉嚨痛，咳嗽，氣喘等徵狀。

咩人會胃酸倒流？
多煙酒，飲食唔定時，成日食宵夜，壓力大，時常食得過飽，過份肥胖等等。

我唔煙唔酒，食野算定時，又無食宵夜，唔係過肥，壓力人人都有，唔算好大，但點解我都會有胃酸倒流呢？mm.....時常食得太飽呢~我都係架XD睇黎我呢排真係要食粥三餐喇...

tiramisuを作ろう!

見阿祖近期熱愛整餅，星期日就上左黎我屋企一齊整tiramisu喇，一人整一個。我都有三四年無整過tiramisu，今次整傳統嘅tiramisu，傳統嘅其實係好軟身，係餅店見到成個tiramisu都係因為賣相關係，加左魚膠粉令餅夠企身。之前做嘅都係加左魚膠粉，同埋用清蛋糕做，今次想方便d，用手指餅代替。而酒方面都無用Bailey，用左Rum酒加黑咖啡。味道的確比以往用Bailey好，酒味濃d香d，但手指餅買左雜嘜牌就麻麻地~雜嘜牌嘅太脆身，建議都係用返清蛋糕或者買維鮮牌嘅手指餅較好！
打mascarpone打到「發發聲」嘅阿祖XD
將手指餅沾一半rum酒+黑咖啡後，舖係餅模內，加上mascarpone,淡忌廉，蛋黃等材料，一層一層咁舖上去就搞掂架喇！
太軟身嘅關係，放係碟會成pat野咁，所以唯有係餅模裡面切開後影，雖然都係一pat野，但好yummy架XD

*tiramisu意思即係"pick me up" 帶我走嘅意思，話說係第一次世界大戰時，意大利嘅女仔做黎俾去打仗嘅lover食，喻意願意同行一起走，而甜中帶苦嘅味道，就如兩個人嘅love story一樣....發覺好多飽餅嘅起源都係同打仗有關，中國代表嘅當然係-月餅啦XD

胡麻冷奴

復活節假，阿媽返左大陸，非常free~可以一個人靜靜地佔據成間屋!哈哈哈....通常係呢d日子，我都會自己整甜品or野食。今次整左好簡單又好好味嘅冷奴(ひやっやこ)即係日式凍豆腐。因為每次去居酒屋，見到有胡麻冷奴or冷麵我就必order，總覺得胡麻醬同清淡嘅冷凍食品係絕配！行一田時無意發現呢支芝麻醬，佢有三種口感:有加左nuts嘅，有超幼滑同埋粗粒三款。因為見居酒屋食嘅醬都會見到一點點芝麻粉，而超幼滑果款無粒粒，成支奶咁，所以我揀左粗粒嘅。之於豆腐當然唔好買百X豆腐啦，最好去日資百貨or citysuper買日本嘅絹豆腐。買返黎倒左盒裡面嘅水就可以放係小砵裡面（唔洗洗，cos日本製即係日本嘅水，用水喉水洗返而仲唔乾淨XD)，之後就直接倒芝麻醬係面，加少少䓤，薑蓉，紫菜絲or木魚絲...搞掂!

只係加左䓤同紫菜絲，絹豆腐滑得黎有豆蓉嘅口感，唔會好似百X果d滑到好似布甸咁...

呢支就係粗粒嘅芝麻醬，雖然話係粗粒，但唔會食到一粒粒架，除左整冷奴外，仲可以整沙律，炒菜都得！可以去官網睇下其他芝麻醬嘅食譜http://www.mizkan.co.jp/kingoma/recipe/

easter WALK

連放四日嘅復活節假，無咩特別節目，但唔想四日都無無聊咁過，所以係假期嘅第三日去左城門水塘行下。咁大個都未去過城門水塘，本來朋友建議越過針山行去沙田，話大約行兩個鐘，都想試下行，但又驚隻右腳痛，想行與唔想行之間，就咁就行左大約十幾層樓梯向針山出發，之後朋友指過「對面」座山，話越過呢座針山就係沙田，我仲似為行左果十幾層樓已經係行緊上針山....點知原來只係行緊去針山嘅山路，「吓！」左一聲後，我當然決定截返啦，以前都會照行，家下條腰未好返唔敢行咁多樓梯斜路。落返水塘水壩位置，諗住係咁二繞水塘一圈應該唔會好耐，路雖然唔難行，但估唔到個水塘咁大，行左四十分鐘，轉極彎都未行到水塘嘅另一邊，仲開始落雨添，見「前路茫茫」，唯有U turn行另一條路截返，返到水壩時已經開始大雨，拿拿淋雞咁腳行返出去撘的士。雖然天陰無咩靚景影，仲行到隻右腳鬼咁痛，但總好過成個假期係屋企hea呢!
天色麻麻，但唔太熱，算係幾舒服!

呢度就係行左n咁多級樓梯後，望返去城門水塘時影。


放棄行去沙田，截返去水壩後即刻搵頂坐啦，順便影返張「到此一遊照」XD

make up+retouch

復活節假期都要返學，的確唔多想返...今堂學畫眼線同貼假眼睫毛，今堂導師ida講左句我好認同嘅說話就係「化妝唔係要化到變成另一個樣，化妝只係修飾塊面嘅缺點而變靚d」，大部份港男都好唔鐘意女仔化妝(鐘意濃妝嘅阿祖除外XD)，覺得好假兼side錢side時間去「批蕩」，如其係咁，點解d港男，龍友又成日讚邊個姐仔，邊個model靚？佢地化一個妝起碼一個鐘以上，再加上燈光同執相，小儀都可以變楊宜架XDD，港男們的確自傷矛盾....

咩係化腐朽為神奇？娜姐呢張相就係一個好例子!呢d就係執相囉XDD不過佢咁嘅年紀都keep到咁嘅身材的確勁!(不過唔知又係真定假XD)


Janice man呢張素顏相（但我覺得都係有化淡妝...)，被指激似黃寶欣XD


連我一直都覺得係靚女嘅anglela baby，當我睇完呢d相，原來都係"整"同"執"出黎嘅u_u}"（右下圖係而家個樣)

bride makeup 第三堂

尋晚攰都爆，日抖落舖整sale嘅window sticker，晨早係佐敦，之後黃埔、九龍塘、九龍灣、天水圍，再撘返巴士出去尖沙咀上堂。入天水圍淨車程暢順都要一個鐘，來回撘左兩個鐘，返到尖沙咀落車時，真係有點似撘完飛機落機果下咁攰~佩服住天水圍嘅人，每日出九龍返工!
講返上堂，尋日第三堂學上粉底，先係karen同我試上粉底，之後掉轉我同佢化，淨係學上粉都搞左兩個鐘，之後教埋set頭差唔多上左三個鐘頭，成十一點先放學，攰到爆！

首先同我清潔塊面，呢個素顏look同我臨訓前個樣一樣！咁殘XDD


佢唔係幫我畫眼線呀(無咁快學!)，係幫我係d眼圈位搽上遮瘕膏。


之後到我幫karen變返素顏先，之後再上粉。唔好以為上左粉底就靚哂，粉底只係令到膚色平均，遮左d黑眼圈，暗瘡印之類，望上去會滑d。所以要化一個完美嘅新娘妝的確好花時間呢。