the last day & the first day

きょう31日、ことしの最後の日だし、あたしのニューライフの最初の日です。
心が苦しい感じ...

Godiva

前排同家姐行街，見沙田Godiva終於有杯裝雪糕賣，即刻買番杯試下啦！有三款味，white chocolate，milk chocolate同埋milk chocolate with chocolate chips.既然Godiva係朱古力出名，當然試食隻有朱古力chips既味啦！size同hagadze係7-11買既細杯裝份量差吾多，但就貴得多，要$39一杯（成餐飯錢~好在吾洗我俾)！貴係貴左Ｄ，但的確幾好味幾滑，其實同hagadze既 belgium chocolate一樣都係朱古力雪糕加朱古力碎，但就無咁甜，Ｄ朱古力碎好味，好過hagadze既朱古力碎！hagadze做雪糕好，而Godiva就朱古力好Ｄ，佢地應該crossover出隻朱古力雪糕加chocolate chips咁就perfect喇haha! 除左買左杯雪糕外，仲買左鐵盒裝既朱古力豆，有milk, dark同埋dark chocolate with mint三種，買左薄荷味，勁好味！雖側呢盒比雪糕更貴($49)，但的確好味，又吾太甜，又吾"痴"喉嚨，食完又吾會痰上頸！呢盒好快食清之後，好在無意中又多盒milk chocolate with strawberries，呢盒多謝Y.M慷慨解囊！買既話又成為$49，士多啤莉乾又吾係真係好乾，咬落去都軟軟地，外面加層薄薄既朱古力，好味味！可惜得10粒，話咁快就食哂lu~

modern toilet

尋日同阿joe係MK唔知食咩好，阿joe突然諗起朗豪坊對面開左間以廁所為主題既餐廳，就去試下啦！八點幾去到都要等位，反而隔離間和民無乜人等。全間餐廳既櫈都係屎塔黎，枱就係洗手盆上加塊玻璃，天花既燈都係米田共形同廁所泵，牆上有一排發光既尿。食既多數都台式食品，但都有意粉同焗飯等，價錢大約$50。我地叫左兩個飯，招牌咖哩雞同黑椒豬柳，兩樣都跟一少碟前菜，湯同白飯。最初以為碟餸會直接放入屎塔形既大碗內，原來Ｄ餸放係一個好淺既鍋仔度，再放入屎塔度，而塔裡面有火'慶'住碟餸，咁樣就吾怕碟餸凍呢！味道又比我想像中好喎，本來以為都係玩裝修既餐廳，質素唔會好得去邊。之後仲叫左個$15既“屎塔6號"其實只係朱古力軟雪糕放係個'mouse'廁形既碟上。雪糕都算大舊，不過太甜同奶味太重，唔多好食！呢間餐廳免加一，服務都唔錯，未試過坐係屎塔度食野可以一試呢！

marshmallow

棉花糖可以話係我其中一樣最喜愛既零食之一.棉花糖既口感軟棉棉,食既時候同食雪糕一樣,有種開心既感覺!人地話食雪糕會令人開心,我都覺架,所以係公司當做野做到悶悶地時,食幾粒棉花糖的確開心d!前排公司有個男同事食左兩粒棉花糖,佢話有種初戀感覺XDD講到食棉花糖,最好食都係日本既eiwa,卡夫好甜唔好食既.細個最鐘意食eiwa粉紅色lace花紋包裝果種,而家比較難買到lu!反而出左好多新口味,近期試過黑芝麻味,芝麻味超濃,好香!前排有沖繩限定既青檸味又係好好味!不過粟子同柚子就唔多好食喇:X至於棉花糖英文點解叫marshmallow呢?事源以前係法國既沼澤(marsh)種左隻(mallow)既藍色植物,d人從呢種植物既根部抽取汁液再加糖製成.不過而家主要用明膠同砂糖做棉花糖lu!

my family

每年農曆新年，我阿爸都會去旅行，我都唔知點解。所以細個既時候，每年都會去一次旅行，去親都多數去日本。細個無得揀，一定要跟埋去。而家大左就好少跟屋企人去旅行，對上一次同佢地去日本已經好幾年前，以前不論佢地返大陸定去日本，甚至我家姐到澳洲結婚，我都企硬唔去。因為果時我既抑鬱症最嚴重，莫講話旅行，連應付每日都覺得難呢，屋企人唔知我有病，我知我阿爸唔多高興我每次都唔同佢地去旅行呢！黎緊既農曆年，屋企人準備去東京、北海道，本來我都無諗住去，九月先去完東京，邊有錢丫。但我家姐勁勸我去，佢都講得啱既，阿爸阿媽都開始老，可以去長途旅行既機會越黎越少，所以最後都決定去呢，雖然我只去幾日北海道，但佢地已經好開心lu，下年既團年飯終於可以成家一齊食喇XDD

南丫島-阿婆豆腐花

上一次去南丫島已經係幾歲既時候，記憶中有個水上樂園，有得坐下水上單車之類既水上活動，上個月第二次踏足南丫島，水上單車當然無得玩啦！沿大街走，有唔少店舖都頗西化，因為好多外國人都搬入南丫島住，貪其方便，來往中環只需二十五分鐘船程。可能多外國人既關係，食野都吾算平，一個lunch都要四十蚊，不過大部份食店都有向海既露天坐位，幾舒服架！南丫島聽聞有間食豆腐花好出名，離大街大約十分鐘路程，就會見到有間好簡陋既鐵皮檔口，旁邊有個寫住“建興阿婆豆腐花”既招牌就係喇！但賣豆腐花既係阿伯，洗碗既先係阿婆，哈！豆腐花冷熱都只係$6一碗，配上薑汁既山水豆腐花的確比平時食到既滑呢！

Tokyo-PLAY tour

日本既相終於整理好喇!啱啱upload左上facebook,不過要join左facebook先睇到呢!如果你未有facebook,就快d join喇,你會搵到好多你"失散"左好耐朋友呢!
http://www.facebook.com/photos.php?id=883710064

Venetian

前日跟班VM去左澳門轉季，威尼斯人裡面都開左間堡記，所以可以順道參觀下。雖然只係穿過casino去舖頭，但都覺得威尼斯人好大，吾單止地方大，舖與舖之間既走廊闊到成條馬路咁， 連洗手間既門都大過防煙門，廁格門都大過屋企大門。最靚既地方應該係“大運河"（個名好吾襯個場囉），天花做左個假天空，不過的確假左Ｄ。而且成個場既燈光都好暗,要影相的話一定要用閃燈，最光猛既地方都係casino！我記得仲有個叫“琳琅美食廣場"（個名好怪！）但聽聞都係好貴下！睇黎威尼斯人除左堡記外都無咩平野賣呢XD

9/9 PLAY tour 2007@市川市文化會館

去完日本返黎都未得閒整理Ｄ相，暫時先報告一下成個行程最"真貴"（真係好貴！）既一日，就係去睇安室PLAY tour concert！我地大約四點幾到會場，已經見到好多人著哂tour tee，仲有Ｄfans扮埋Hide & Seek同Hello個look，勁！買完tour goods都即刻換番件PLAY背心，可惜阿祖件tee太細件唔啱著XDD今次係第三次睇安室concert,今次無論係舞台,髮型,燈光各方面都比上兩年好,舊歌都從新編曲,亦無番炒爬鋼架呢D環節,連唱人魚同Can you celebrate都唔覺悶呢,感覺好快就過左兩個鐘,係安室唱最後一首Say the word時,台上面突然彈出兩個PLAY大碟造型既吹氣公仔,足足有成層樓咁高,好靚好kawaii架!襯散場唔多覺時偷影左張相:P

departure & arrival

香港機場sky plaza開左幾個月，雜誌同電視都介紹新客運大樓好似好多野玩好多野食咁。尋日就特登入去睇下。sky plaza環境好寬敞，都幾多shop同食肆，果度既板前壽司無乜人，唔洗點等，不過我揀左好耐無食既burger king，因為得機場先有得食！對4D戲院興趣不大，反而對只需$10入場費既展望台更有興趣.從展望台除左可以望哂整個機場外，更可以近距離睇到飛機升降，好靚好壯觀架！當見到天空上有兩三隻排成一直線準備降落既飛機時，覺得好得意，而當見到飛機降落果刻更覺興奮呢，就算無長鏡頭都唔難捕捉飛機降落的一刻.不過最好四五點入到去，無咁曬之餘，晏Ｄ仲可以睇埋日落兼係sky plaza食埋晚飯呢！

namie amuro-PLAY tour 2007

終於bid到飛，貴到喊，本身仲想bid前幾行，但實在太貴，第一行最後bid到151000yen($9990)一張，D日本fans真係厲害！可能因為安室人氣再度急升呱，咁都係好事黎既。今年既tour goods好似比上年遜色左D!可能個tour logo無上年果個咁靚啦。不過好鐘意本場刊，因為好多黑白相，好多都係snap shot黎添，好過set哂燈擺哂pose咁影呢！

diesel vs bossini

07fall winter開始左，終於暫時忙完喇！睇番今次係澳洲影既jeans相真係好好笑。本身個C.D.諗住“參考”Diesel jeans既相，我見D ref.好型架！但到佢影番黎既相就差好遠呢！個箱做大左，D model好難擺pose，結果只係得幾張相較為正常。有Ｄ無出到街既相超搞笑，大家想笑下既不防click下張大張睇下呢:D

pon de ring

近排忙到爆，病病地無咩胃口，上去mister donut個web site望下至愛既pon de ring，望梅止渴一下！發現又出左四款期間限定新口味，有抺茶、抺茶紅豆、露薈乳略，芒果乳略。雖然都想試，不過次次期間限定既pon de ring都偏甜，都係原味既pon de ring最好味！不過仲要等多個幾月先食到-_-

my birthday

又大一歲，年紀越大越想平淡Ｄ過，即係唔想大棚人搞生日會果種。今年的確過左一個既難得又開心既生日
﹣難得今年生日係星期六，可以由朝玩到晚！晨早去左迪士尼，難得撞啱水花巡遊既第一日演出，的確精彩^O^
﹣難得好友阿祖專登mark假陪我過生日！
﹣難得能夠同大表弟一齋賀壽，大家都係七月生日呢！
﹣難得好同事jeffery放緊大假都肯出黎食飯。
special thanks to all my friends, colleagues and my family.

simpson

simpson電影就上畫，公司同simpson 合作搞promotion出T-shirt，遲Ｄ會有個event係旺角間𣄃鑑店度搞，MKT既同事就請左個人黎“扮simpson公仔"，啱啱上左黎"試衫”。件衫啱啱由美國空運過黎，手工好靚呢，聽聞幾萬蚊一套,不過係simpson公司俾錢XD！大家一見到個simpson即刻走過去影相，突然A&P房變左disney咁,排隊輪住影，我都吾執輸呢！

FREE fonts

前排做FW07壇牛仔褲promotion要搵free fonts，
發覺呢個site幾多特別既fonts,有mac同pc fonts免費download，OSX都用得，幾好！
http://www.fontface.com/fonts/num.html

飛滋貼

大熱天時更容易生飛滋,每次都起碼痛幾日,搞到食都食唔落>x<
搽藥膏硬係覺得搽完無耐,d藥膏就會溶哂.沖鹽水又覺得無咩效.
前排我家姐既朋友推介左隻"飛滋貼"話非常惦!粒藥貼底面不同顏色,只需臨訓前將白色面貼向飛滋就得喇!佢會自然溶解,聽聞第二日已好得七七八八!呢隻飛滋貼06年年尾先由日本sato製藥推出,一盒有十粒,大約$70一盒,啱啱托朋友係日本買左盒番黎,突然好想生飛滋快d試下添XD

now "PLAY"ing

自05年"queen of hip pop",等左兩年終於推出新大碟^O^yeah!!
聽哂12首歌後,的確好鐘意呢隻大碟"PLAY",以往既大碟名稱都會
係碟內其中一首歌的歌名,例如:queen of hip pop,break the rule.
但今次碟內無一首叫PLAY既歌,當你聽完整隻碟後,就會發覺每一首
歌都十分切合PLAY呢個主題,特別係從編曲中更覺"玩味"十足!暫時
最鐘意係Full Moon,覺得首歌幾特別,又月圓又人狼,編曲有神秘感之餘,詞都令人想入非非呢!

本來未見到實物之前,都係較鐘意DVD版既警察look,但買左碟後,反而覺得空姐look靚d呢,
特別係吹波糖果張相實在太kawaii喇XDD拿拿林scan左去整左張wallpaper先!

long time no see!

"阿細"表弟從英國番左黎,對上一次見佢應該係兩年前喇,我大佢四年,但今次可以話係第二次見面,
因為我小學既時候只係見過佢幾歲時既樣,到真正第一次見面時大家都廿幾歲,感覺有d似失散後重逢.
至於點解廿年無見,都係因為上上一代阿嫲既同母異父既關係,導致上一代不和而無聯絡.而廿年後又再聯絡番我都唔知解
,唔想問阿媽怕佢一講就停唔到=_="
可能同兩個表弟差唔多年紀,大表弟又係做設計,更加有計傾呢!尋日難得二度重逢,就去左九展新開既寶齡球場打寶齡!
新場環境唔錯,一共有24條球道,鞋又新波又未崩,幾好!可惜太耐無打寶齡既我退步左好多,得六七十分,但阿細話我姿勢
好,有潛質打寶齡,好認真咁叫我去搵私人教練學.學寶齡買個私家波都成千蚊,仲要比學費,儲錢學日文好過呢!

father's day

本來諗住去昂坪坐纜車,但想去既唔係阿爸係我阿媽,以為纜車停駛可以唔駛去,結果變左去坐山頂纜車XD
對上一次去山頂係2000年頭,相隔七年都無咩轉變,只係凌霄閣多左唔少商舖同餐廳,有好幾間餐廳內既坐位都靠著落地玻璃,可以欣賞到無敵既香港景色,夜景的話會更きれい！但我諗價錢一定非常たかい...
凌霄閣下層既蠟像館入口,放左Kelly既蠟像,好多遊客都圍住係門口輪住同"Kelly"影相(包括我阿媽),但就無人入場睇蠟像呢,$120既入場費的確貴左d,如果有安室蠟像係裡面就唔同講法XD
PS.個Kelly蠟像其實唔太似,個樣殘殘地,又好似老左d咁!

木村@峰壽司

讀日文時，先生話峰壽司有個貌似木村既壽司師傅，當我第一次去峰時，見到只有三四個日本師傅，其中一個的確有Ｄ似木村，正面唔算好似,但側面的確有幾分似呢！難得係香港能夠食到唔太貴而又由日本人即場做既壽司，仲話似木村喎,當然食得更開心啦XD所以而家就算板前壽司人氣急升，我每次想食壽司的話都必會去峰，一來始終覺得日本師傅做壽司professional D,二來有"木村"養下眼呢！
呢張"木村"相好難偷影架！

amuro new album- PLAY

每次安室出碟,無論album定係single.除左留意歌曲同PV外,最期待就係封面造型喇!好鐘意今次既cover,特別係CD+DVD版既警察look,一定要得到今次既poster呀!!

TVB930

六月一號個個突然好齊心話要返屋企,為既係九點半睇無線播溏心大結局,我問我朋友"錄左之後睇都一樣姐!"對方答"直播點同呢?"睇黎溏心既吸引力比睇直播英超更大.一向唔多睇電視劇既我,慢慢都被身邊既朋友影響而去留意呢套劇.四十集中我只係睇過幾集, 發覺關菊英同李施琪既演技的確出色,特別係關菊英,做潑婦又得,扮賢妻又得!而且劇中既金句都唔少,有d仲好記得-
細契:我話係就係，唔駛證據！呢度唔係法庭，唔需要證據，我對眼就係證據！""得得地:甜的吃，苦的吃，酸的也要吃! 大鮑:你再唔講實話，屎也有得你吃!"

溏心風暴終於過去,仲以為大家可以唔駛趕睇930,點知又黎一套PTU....