勁玩Lensbaby

前排波仔借左支lensbaby我玩，一塊塊黑色膠片當成光圈，有星形心形圓形，更可自創形狀，再配合可扭動嘅移軸鏡頭，可以拍左好多得意又creative嘅相片，近排xmas多燈飾，最好用佢黎影相，出黎嘅效果更有聖誕氣氛呢！
放了星形光圈膠片嘅Lensbaby Composer
蠟燭後面有一串燈，配合移軸嘅角度，就有呢個效果呢
focus係minnie個樣度，加上星形光圈，微微扭動鏡頭，周邊嘅都會blur哂，而反光或高光位都會變成星形呢！
呢棵其實係xmas tree黎

PCM make up job

今日幫波仔做嘅雜誌「電腦廣場」做免費化妝師，model係阿Yu，一共拍左三shots，一個純白扮純情可愛look，一個係室外影嘅紅粉封面照，最後一個就係較cool嘅style。拍outdoor時，我地走去附近嘅海防博物館，是日免費入場，可惜，全館唔俾用反光板，一用就俾'食蕉"叫住，唯有用人肉閃燈，即係波仔啦XD大約影左兩個多鐘頭就完，尚算順利。至於model...其實都幾寸，成日趕住走，但唔係之後有job做喎，拍攝同化妝時都顯得唔耐煩，成日想快d收工，雜誌俾錢book左佢2-6，最後影到五點鬆d姐，呢下就唔夠專業喇!
第一個shot，我用傻瓜機zoom埋去影，阿Au上鏡有d似袁彩雲XD
人肉閃燈﹣波仔&攝影師-阿峰
呢期PCM主題係GF1 VS EP2，兩部手感都唔錯，不過都係大大舊嘅單鏡機好！
last shot

Emma大喜之日

朋友唔多，熟嘅同事都好少，emma雖然唔係同dept，但可能同我身高三圍都差唔多，所以都ok啱傾！尋晚去喜來登酒店食emma呢餐喜宴，當然見到唔少堡記同事，包括我事先同emma聲明，唔想同枱坐嘅老爺Y.M...但無奈影相時k姐無啦啦叫埋老爺過黎影囉，真識擦鞋! 我地圍內嘅人個個都知antony影相嘅技術超"高水準"，出名手震，無構圖，無焦點，影相唔睇水平。但佢偏偏成日講到自己好勁，超難頂~仲自薦幫emma影相，好在佢都仲有d自知之名，叫emma都要請個專業攝業師黎影囉XD　我同K姐睇返佢部5DmarkII裡嘅相，照樣手震out focus ，無論佢影咩，個focus都係中間，勁!!真係side哂部markII囉XD
個hall唔算好大，但台上有噴雪效果，新人切餅時會噴雪，叫做有d特別。
我d戲真係唔得，笑都唔想笑XD
散席先有機會同emma單獨影相~

未出碟先興奮XD

16/12先出嘅Past < Future，尋日阿祖已經係黑店先"聽"為快，買左CD版，仲嗱嗱聲轉做mp3過我一齊share!抵讚XDD　今日仲自製PV付歌詞版，等大家唔洗睇得歌詞黎又睇唔到個PV，的確出錢又出力XDD　我唯有出返少少綿力，先upload左The Meaning of us及FAST CAR嘅mp3，等大家都可以先聽為快^^
The Meaning of Us 付日文歌詞 (made by joe)


download "The Meaning of Us" MP3---http://www.sendspace.com/file/wxn6iz

FAST CAR 付日文歌詞 (made by joe)


download "FAST CAR" MP3----http://www.sendspace.com/file/c9me90

清水翔太-君が好き

很少聽日本男歌手嘅歌，除左堅叔外，清水翔太嘅歌曲算係我i touch裡面少有嘅男聲之一。尋日先推出嘅「君が好き」，同樣係R&B嘅抒情歌，係一首講單戀嘅歌。但我仲未搵到呢首歌download......唯有聽住youtube先！如果有人有呢首mp3麻煩send俾我啦thx!!

眠れない夜　ベッドの中
ぼんやり光る液晶を見てた
突然、鳴り出した携帯
聞えてくる君の震える声

Baby Tell me　どうしたの?
もしかして泣いてるの?
外の雨の音で、ちゃんと聞こえないよ


サヨナラ...
昨日の喧嘩を思い出した
僕はバカだ
今、やっと気付いた


君が好き
一番大切な人
ずっと側にいて
駄目な僕を叱ってよ
今、誓うよ　君を守ってゆく
だって君をこんなに愛せるのは　僕だけ

さりげない優しさでいつも
支えてくれている君に
これからは僕も同じように
できる事があると思うから

Baby tell me　どうしたの?
1人で悩んだりしないで
分け合える悲しみだってある筈だよ
僕は、いつだって君を包むよ

大丈夫
2人なら乗り越えられるよ
しっかりと、その手を握るから

君が好き
一番大切な人
ずっと側にいて
駄目な僕を叱ってよ
今、誓うよ　君を守ってゆく
だって君をこんなに愛せるのは　僕だけ

この広い世界で　僕は一人ぼっちだった
君が僕を変えてくれた

君が好き
世界中で誰より
ずっと側にいて
同じ夢を見よう


君が好き
一番大切な人
ずっと側にいて
駄目な僕を叱ってよ
今、誓うよ　君を守ってゆく
だって君をこんなに愛せるから


もしも僕が　旅立ったとしても
君の事ずっと　見守ってるから
愛してるよ　苦しくなるくらい
その笑顔絶やさない　君が好き

東亞小圈子

每年都會到紅館睇世界女排大獎賽，今年多左個東亞運，多左次機會俾我現場睇波。不過東亞運實在太小圈子，基本上都係中國玩哂，日本，韓國，朝鮮，澳門，蒙古，台灣，關島，香港，我諗除左足球係中國嘅弱項外，十居其九嘅項目都係中國奪金，美其名提升運動員水準，使亞洲更團結，咁亞運已足夠，起碼亞運嘅參賽地方多達四十五個，項目也交接近奧運，感覺總比東亞運有意義得多，東亞運變成一個多左少數外國人參予嘅全運會吧！講番前日睇波，排球實情得六個地方參賽，好明顯一定中國贏哂，第二必定係日本同韓國之爭，包尾嘅實係香港或關島XD　中國隊自陳忠和教練離隊後，隊員也大執位，難怪大獎賽成績只能得第五，今次東亞運初賽時已3:0勝日本，意料之內，打得係咪特別好？肯定唔係，只不過對手較弱，平均過190cm嘅中國隊已經贏哂身材，反看日本隊差不多全部係少青隊作賽，真正嘅國家隊並無參加東亞運，可能都覺得東亞運太流，倒不如派d年青球員出賽囉經驗XD
坐係我隔離有一班居港日本人，自製旗仔，ponpon棒，叫足全場がんばれ！為日本打氣，其實都明知輸硬，但每球波都落力叫喊支持，輸波後仲話お疲れさま〜相對港人嘅態度，當對手較弱時，睇得冷靜，相反對方較強時，當中國落後緊，對方又得分時，狂hur嘅聲音過份到，有對方國家事後投訴，其實的確好無禮貌，NBA d人都係狂搖ponpon棒以擾亂對方射波姐，反觀港人態度，贏波叫好，輸波就"小"對方，如其係咁，我相信港人只能夠接受有如東亞運嘅小圈子比賽，中國必定係大贏家!
日本隊雖然平均身高不及中國，要避過"長城"攔網的確十分困難，但估唔到日本少青球員參加國際賽事都咁淡定，耐力又夠，最矚目嘅係今年先加入國家隊，只有18歲嘅扣球手石井優希，真係超強い!相比港隊女排，則越打越"謝"，不是體力不計，而係選手心理同士氣問題。
呢兩隻吉祥物我覺得好似paul黃牙白XD

堡記最終日

唔creative嘅creative team
我個位本身係阿hugh坐，因為hugh哥成日洽眼訓，被掉位，所以我就坐左呢個無咩人氣流動嘅位置，但呢個位好邪，坐親呢個位嘅人都會好多野做...所以last day嘅我都忙到爆XD

總覺得十一月好長，終於等到月尾，估唔到越近last day返而越多野做。真係好在閃得快，30號果晚佢地係舖頭set paddington bear做到凌晨兩點，第二朝仲要晨早走舖set window，又做到夜晚十一點，超甘！last day前一日係屋企開工場，整左百幾粒曲奇請大家食，好在ivan幫手，唔係唧到手軟XD 可能對公司無咩歸屬感，又想快d收工，成七點先黎同同事影相，果日由朝忙到晚，搞埋d手尾都成八點先走，K姐同sam係咁叫我去邊度邊度影相，我都懶得影XD　　果日影d相可以去呢度睇
http://www.flickr.com/photos/kapark/collections/72157622788224353/

　

PAST < FUTURE

自上年BEST FICTION精選專輯創下銷售破170萬嘅驚人記錄後，16/12將推出全新嘅專輯PAST< FUTURE，上一張專輯PLAY已兩年半前，終於等到有新專輯!大碟除收錄左可樂zero CM song"WILD"，仲收錄左Vidal Sassoon新舊CM song"Dr." "MY LOVE"及"COPY THAT",主打歌曲"FAST CAR"及慢歌"The Meaning of Us"嘅PV已經有得睇！noise超勁嘅大碟，難怪首批出貨量已破50萬張，真係可喜可賀!cover concept幾好，安室撕開best fiction poster，喻意打破舊記錄，同碟名PAST< FUTURE相呼應，可惜cover被指抄襲，不過都唔關安室事，封面設計都係俾agency做，抄唔係問題，但抄得太足喇，連個妝同髮型都抄得咁足，就抵打啦！
The Meaning Of Us

呢首慢歌真係幾好聽！好聽過MY LOVE!
FAST CAR

個PV拍得幾好，第一次見安室lolita lookXDD

唧唧曲奇

仲有個幾星期就離開堡記，例牌last day要請同事食西餅之類，計落條數，買西餅又吾平又老土，就諗住整曲奇，因為曲奇料夠平，做法簡單! 之前從來無整過曲奇，因為唔多喜歡食，所以今次要先試做一次！網上曲奇食譜好多，睇左好幾個，好多網友都大讚呢個唧花曲奇比用模做嘅更香脆！今次試做左抺茶味同moca味唧花曲奇，做法的確簡單，但唧曲奇真係好攰，要一口氣用力唧出曲奇料外，仲要keep住唧咀夠直，唔好手震，的確唔容易~好在最後成功完成，又真係幾好味喎!但至於係咪整曲奇俾同事，可能又未必，因為一整要整百幾粒，唧都唧到手軟，都係諗下先haha
唔好睇細細粒好易唧，d料幾實下，要好大力先唧到出黎架
阿祖都無力唧，最後用模crop曲奇算XD

岡田咖啡全然だめ!!

星期六晏奏約左Shirley去百利揀姊妹裙，朝早睇完條腰時間尚早，就早d去尖咀搵間餐廳慢慢食lunch，自家製烏冬同岡田咖啡同樣係板前老板開嘅，但呢兩間係openrice嘅食評都超差，連我日文同學仔都話尖咀間自家製烏冬唔惦。所以最後我去左岡田咖啡博一博，一個人去實有位！lunch set平均都要$5X，我叫左個拿破崙意粉，餐飲要熱咖啡。拿破崙意粉正路料多，青椒洋䓤火腿蕃茄汁炒就係，但佢整得真係幾難食，吾夠乾身，意粉有d硬有d林，料又少~最後黎個咖啡，招牌野應該好d啦！點知仲衰，先試一淡齌啡，唔香唔濃，加埋佢嘅忌廉，更奇怪，成杯咖啡好似杯肥淋淋嘅普洱，再落埋侍應俾我嘅日本和三盆沙糖，果種甜味同咖啡唔係好夾~我唔知係咪日本本身嘅岡田咖啡係咁。最後我半杯都飲唔哂就閃人，埋單仲要加我$10，因為我叫熱咖啡？唔係呀fa!
好大「碟」囉!
好似好正嘅咖啡
日本和三盆沙糖，我覺得似糖粉
我無加哂d cream都咁肥，click大黎睇，就會見到一杯好似你食完件白切雞再飲杯普洱後嘅樣XD

Camden Town

上星期ivan話去西貢食漢堡包，行去開滿海鮮酒家嘅海傍街裡面，零零舍舍有間白色嘅露天餐廳仔夾係海鮮酒家中間，原來呢間係ivan嘅御用髮型師開嘅，唔怪知得千里迢迢走入黎食漢堡包~坐位有室外同室內，天氣唔太熱，揀左室外嘅座位，我地叫左招牌菜嘅漢堡包，仲叫左雞翼薯條加兩杯咖啡，漢堡包的確好食，估唔到無生菜無蕃茄，只得一塊漢堡同少少洋䓤粒嘅包都咁好食!但杯咖啡就好唔得下，唔夠濃，無乜味...識得老闆嘅關係，特別贈送左忌廉湯，普通貨色無咩特別! 之後上網睇返食評，原來黑椒雞翼，炸魚塊同串燒魷魚都唔錯，點解老闆唔送呢d俾我地試呢!雖然食到好飽，但都要食係西貢好出名嘅菠蘿包，唔知係咪太飽嘅關係，都係覺得太子金華嘅好食d！
好味!唔食牛可以轉雞肉。
呢個普通雞翼，黑椒雞翼可能好食d！
西貢咖啡餅店嘅招牌菠蘿包$6，皮夠脆，但都係金華好食得多！

甜到漏!

堡記每年十一都有nov promotion，上年好落本搵阿sa去丹麥影左輯相，阿sa係輯相裡面嘅衫賣得特別好，的確係明星效應。今年公司力谷其口號"be happy"，今年nov promotion就搵左甜到漏嘅林嘉欣黎！見到佢笑個樣,真係甜到爆，我都想好似佢咁kawaii XD

まもりたい ～White Wishes～

BoA成年機乎完全離開左日本市場，主攻美國，唔知係咪要配合美國，型象都轉埋，剪左頭短髮~都係長頭髮嘅BoA靚d，まもりたい ～White Wishes～係Wii遊戲"Tales of Graces"嘅主題曲，久違了嘅慢版歌終於返黎，9/12先推出single，但PV 已有得睇喇!PV是旦左d，反而BoA係未段穿嘅Balmain褸，正是今季F/W嘅hot item，靚！可惜呢種膞頭微微彎上設計嘅衫，我諗只有artist先著得靚!

僕は君に恋をする

堅叔又出single，僕は君に恋をする係「僕の初戀をキミに捧ぐ」嘅主題曲，歌詞簡單易明，好聽!ぜひ聞いてください!!

もしも願いが叶うなら　君の悲しみを僕の胸の中に
注ぎ込んで下さい　その痛みならば僕は耐えられる

未来描く地図も無くしてしまう
ちっぽけな僕だけれど　君をみつけた

さよなら、ありがとう、好きだよ、好きだよ
さよなら、笑ってよ、泣くなよ、バカだな
伝えたい言葉は止めどなく溢れる
何度も、何度でも僕は君に恋をする

君の願いが叶うなら　全て捧げると心からいえる

僕がいなくなっても消えること無い
恋色に染まる心　君とみつけた

さよなら、また会おう、ごめんね、好きだよ
さよなら、笑ってよ、怒んなよ、バカだな
恋しい　苦しい、愛しいじゃ足りない
何度も、何度でも僕は君と恋をする

恋する瞳と愛する痛みを
君が僕にくれた輝き忘れない　ずっと

さよなら、ありがとう、好きだよ、好きだよ
さよなら、笑ってよ、泣くなよバカだな
伝えたい言葉は止めどなく溢れる
何度も、何度でも僕は君に恋をする

さよなら、また会おう、ごめんね、好きだよ
さよなら、笑ってよ、怒んなよ、バカだな
恋しい　苦しい、愛しいじゃ足りない
何度も、何度でも叫ぶよ
好きだよ
さよなら

去意已決!

今日終於將封辭職信靜雞雞咁放左係老爺枱面，最初諗住等埋三月尾份雙糧先走。但近排腰患加劇，右邊pat pat位置行行下突然會閃痛，痛到行唔到，雖然去新睇嘅脊醫度做機後，比較好dd，但行得多，勞動得多時，又痛過。前排同屋企人飯後行返屋企時又勁痛，終於喊左出黎，唔係痛到喊，果刻係諗「連慢行都咁痛，點返工做野？點落舖？又會俾人小我sick leave，一大堆問題...」我阿爸應該廿幾年無見過我喊，同阿爸講哂我嘅「難處」後，最後建議我暫時休息下，好返後先再做野。就係呢個兩個星期裡，諗完又諗，最後決定而家quit好過三月先quit，就襯年尾少工d抖下，到新年後會較多工，到時再重新投入工作呢!希望我呢個決定係正確啦!

赤柱吹吹風

上一次去赤柱已經係四年前同Robo去影相，記得果時啱啱買左350D無耐，走去影相。咁啱今次又係啱啱有部50D而去赤柱，本身諗住去high tea，hei返日，彌補中秋果幾日由朝做到晚無抖過。但赤柱嘅tea認真麻麻，個tiramisu set唔好食仲要六十蚊，好在間餐廳環境ok，無無聊聊打下機就坐左成粒幾鐘，好鐘意呢種唔洗睇住時間嘅生活，平日由朝到晚都跟住時間走，我諗要等到退休先有咁嘅生活呢!
呢個碼頭以前去時都未有
越黎越鐘意支定焦，影物件好細膩，又夠大光圈。
件tiramisu好甜，我整都好食過佢~呢張都係用支定焦影嘅，影snap shot一流！
呢張用om嘅wide angle影，變型梗有，但比我果支wide angle變得無咁勁，om其實真係幾好，但吾係咁user friendly囉！
排排坐吹海風~

Sunday Walk@TST

星期日又同阿祖出左尖咀hei，係海防道有架Tempo嘅廣告車，上去玩遊戲就有盒新出嘅Tempo紙巾送，我地實在太無聊，走左上去玩左個無聊遊戲拎紙巾，突然覺得自己好師奶XD 之後行去海運中心嘅MAZAZU CREPE食軟雪糕，每期都有限定嘅味道，今次係夕張哈蜜瓜味，自上年係廣島食抺茶軟雪糕後，而家先再食，不過呢杯比廣島嘅仲好食d添！最後晚飯去左正壽司食，水準都ok，但都係峰好d！
話係用日本牛奶做嘅軟雪糕，廿幾蚊杯同係日本食差唔多
第一次扎團子頭，どうですか？
炸得唔錯嘅天婦羅
呢個就係我地嘅戰利品XD

又有新寵

繼無啦啦唔洗錢多左部50D後，玩都未玩熟嘅時候，尋日又多左部G11玩，真開心！（再次多謝我嘅財神老豆XD)　自用開公司部G7開始，就愛上左G系嘅半專機，到真正擁有部G9，除左部單鏡外，G9算係我嘅至愛，雖然"咩"住佢當snap機咁用有d重，但我都係比較著重質素，重D都抵XD頭先上網比較下G9同G11嘅spec.，最初覺得好奇怪，G11嘅像數竟然比G9細，雖然我都無乜需要用上過千像數，但無奶油新型號會比舊嘅遜色掛!?再睇，G11嘅體積同重量都比G9多，唔係呀fa~最後睇下d用家comment，大家都一致激讚G11雖然像數細左，但質素反而好左，因為用左新CCD，色溫準，對焦快，又夠膩，marco又勁左！仲話係大ISO嘅時noise相對少！如果真係嘅話，重左果幾十克，我又OK喎XD　搵日要試下係咪咁堅先！

安室Vidal Sassoon new CM "REBORN/ AMUROAD WORLD"

安室第三度成為VS嘅代言人，今次sell嘅唔只係洗頭水，仲有一系列嘅造型產品。幕後班底都係果兩位勁人，即係曾經為'sex & the city'及'穿prada的惡魔'中擔任stylist既patricia field，以及madonna既髮型師orlando pita。廣告分別有兩個theme，"REBORN"及"AMUROAD WORLD"，CM song當然係安室嘅新歌"MY LOVE"及"COPY THAT"兩首都十分唔錯！CM仲未on air，但可以係網上先睹為快！
"REBORN" 30sec CM
"AMUROAD WORLD"30sec CM
interview & making of (AMUROAD WORLD)片中有patricia field同orlando pita嘅interview，學到唔少野!
最初睇呢三個style覺得無咩特別，但仔細睇，發覺每個outfit都用左廣告中LONDON, RUSSIA, L.A嘅原素。三個造型中最喜歡係LONDON，個頭set得超靚，boylish得黎又有女人味，英倫嘅千鳥格同格仔，都可以係呢套outfit度搵到，格仔襯格仔唔好話易襯呀~成個style boylish得黎又有D女人味，呢種髮型好多時愛黎襯較cool嘅西裝look或者高貴嘅晚裝look，但配合呢套casual嘅造型，又幾好睇喎，高人真係高人！

BEST FICTION再破記錄！yeah!!

今日係安室32歲嘅生日，お誕生日おめでとうございます☆
繼BEST FICTION專輯上年成為首位女歌手連續六星期紅霸日本oricon公信榜冠軍後，9/9剛推出嘅BEST FICTION TOUR 08-09，又再破記錄，DVD同Blu-ray都成為最高銷量嘅女歌手，初動已達155,000!!相信BEST FICTION嘅成績絕對係安室上年同今年最好嘅生日禮物！
By the way,不論係專輯嘅cover同埋今次DVD嘅cover，我都相當鐘意，好想知道呢個噴筆效果點做，睇黎係psd filter再retouch而成。DVD 收錄左今年六月係台灣舉行嘅BEST FICTION TOUR，今次tour係舞台，選曲（終於無唱小室作嘅歌！聽得太多~），視覺效果，concept都做得好好，唯獨係剪片實在太差，頭果段真係睇到睇到花...另外感受到嘅，就係台灣fans嘅瘋狂程度，難怪安室咁like去台灣開show啦！

豆腐蛋糕&熊貓雪糕

早兩個禮拜去apm，開左間克勤牌，出左款熊貓雪糕，$49仲送克勤牌鐵匙羹一隻，一球自選口味，另一球係雲呢拿，得apm先有得食，限定又咁kawaii一定要試下啦！
前排無意中上openrice搵野食，見到有間只賣豆腐蛋糕嘅cake shop，見食評全部都係「笑哈哈」一個「喊樣」都無，咁啱過開cwb就走去買黎試下，蛋糕只有一款，就係豆腐蛋糕，另外有幾款糕點賣，同埋老闆力推嘅自家製豆漿，豆漿味道的確唔錯，同平時飲嘅味唔同，又唔甜！糕點試過幾款，發覺都係眉豆糕最好味！而個豆腐蛋糕，其實即係豆腐味嘅海棉蛋糕，但出奇地好味喎！豆味比以前食過嘅豆腐蛋糕濃，但一d油膩感都無，又夠軟棉棉！要做好嘅豆腐蛋糕都唔易架，因為如果加得太多豆漿落去的話，水份太多，蛋糕就唔夠乾身，所以出面食到嘅豆腐蛋糕通常只有好微嘅豆味呢！老闆仲會係餅盒面畫上你喜歡嘅卡通人物，的確係有心之作！
http://www.openrice.com/restaurant/sr2.htm?shopid=31566

SML+和櫻屋=joe's BD

阿祖BD，阿frey訂左位係times食dinner。所以日間嘅節目都係cwb，突然醒起跑馬地有間叫和櫻屋嘅日式布甸舖頭，聽聞唔錯，就撘叮叮去諗住tea一tea，搵完一大倫，完來間野只有外賣...（都我衰，無做好research!)　唯有買幾個布甸同jelly，搵間麥記坐低食。買左抺茶同芝麻布甸&菠蘿橙味jelly。抺茶布甸太重奶味，無抺茶味，唔多惦！芝麻布甸芝麻味夠濃但都係奶味太重，返而個星形菠蘿橙味jelly唔錯！啱啱俾之前個濶太買哂個原味布甸，我估呢個先至係最好食！
夜晚等齊人上左食通天嘅SML食晚飯，餐廳裝修簡約，全部木枱櫈。睇過餐牌先發現每樣食品同飲品都有大中細碼，唔怪之得叫SML啦！S size嘅食物得一小碗，啱哂d食得少嘅女仔，M size同平時食嘅一人份量差唔多，而L size 2至3人share食啱啱好！食物方面偏西方口味，意大利粉，意大利飯，steak同紅酒都有。叫左成十碟野，最好食係白酒蜆肉意粉，鮮茄燴牛尾意大利飯，雖然呢兩樣野度度都有得食，但真係出奇地好味！較特別嘅係魚子醬雞肉配麵包，成樽魚子雞肉醬，魚子醬當然得面個少少，但配上法國飽，又幾好味喎！總括黎講成餐飯大部份嘅野都好食，除左個蝦多士&四色芝士團，超臭~係芝士果d臭~平均每人都係百幾蚊，ok!可以再番兜！但基本上好難walk in咁食，都係要訂位。
和櫻屋嘅布甸
dinner@SML
大合照！

鹹田

早兩個星期六，終於去左ivan力推水清沙幼嘅鹹田，鹹田係西貢附近，前往方法只有兩個，一係行山去，由赤徑行大約粒幾兩粒鐘，一係坐大飛由西貢碼頭坐大約40分鐘去。我唔行得，當然選擇後者嘅方法啦！鹹田灣無碼頭嘅，大飛會駛到較淺水嘅地方，就咁行落水上沙灘，當我一望到d海水，真係嚇一跳！不其然話：呢度香港黎架？d水咁清嘅？鹹田灣可能較遠嘅關係，沙灘唔多人，比著係呢d天氣去石澳清水灣，肯定爆多人。沙灘多數係坐遊艇黎嘅外國人多，灘上有兩間士多，但我覺得係餐廳，唔係士多囉！炒飯炒麵都有得食，水準好過好多茶餐廳添！鹹田的確係一個hei嘅好地方，唔洗曬，又夠靜，大家都拎哂書黎，唔係打機就睇書，hei到悶就落水浸下！唯一唔係咁好嘅地方就係無企理嘅沖身地方，要俾$5士多，先有間簡陋嘅沖身房仔，女仔黎講唔太方便囉！
水清沙幼，以為去左泰國XD

垃圾唔見有，海星反而有，真係第一次見
經過呢條橋就到士多
流水嘅痕跡
潮退後，形成一層層嘅沙
海天一色，香港難得一見呢