day5-last day@神戶大阪

離開倉敷北上大阪，本來打算去環球片場，不過最後大家都話想去shopping多Ｄ，加上落雨，就去左難波行下，果度有條好鬼長既地下街,由車站直通去新既shopping mall﹣難波park。條地下街的確勁長,但無野好行囉,啱阿"蟬"行多d.去到難波park,係就係好新下,但都係無野行，多數有牌子既舖頭，同行又一城差唔多，結果早Ｄ返去梅田行下好過，反而有唔少收獲XD 第二日好好天，晨早坐車去神戶，由新神戶站行去北野異人館度睇異人屋。叫異人館因為以前有好多德國人住係呢區，起左Ｄ好歐陸式既屋，而家呢Ｄ屋裡面都保留住歐陸式既裝修同稼私，俾幾百yen就可以入場參觀。我地個"cheap trip"當然唔會俾錢睇呢Ｄ啦XD 我地無行哂成個異人館,只係去左其中最出名既兩個館，之後行沿異人通落去，經過風見雞本舖，出名賣布丁同樹輪蛋糕，裡面有個識講國語既職員，非常好客地俾我地試暈各種味既布丁，最好味都係銀布丁，又香又滑！買完兼"mouse街"食完布丁後，就繼續行落去神戶最旺既地帶﹣三宮，之前已決定洗幾千yen去食神戶牛柳，行行下見到有間門口有個神戶牛set lunch餐牌，有湯有沙律有牛4880yen，時間唔早就入去食喇，間餐廳好似好高級下，難得個個侍應都識英文，我地坐鐵板位，廚師好細心咁講解食法，佢分幾次牛柳俾我地，第一次只點salt，第二次點salt同特別既檸汁再點Ｄ黑椒粒，第三次就點wasabi，我覺得點黑椒粒同wasabi都好好味！食完就行商店街，本來諗住行去kobe tower果邊，但一來勁攰,二來好鬼遠，三來我張mr.donut point card儲夠分，就到期，屋企人千丁萬囑叫我一定要去換隻pon de lion返黎。所以折返去我地話今次死都唔去既心齍橋（因為去得太多,又無咩行），去到都八點幾，我就拿拿淋走去mr.donut，好在換到姐XD 再買多幾個pon de ring做宵夜添!最後求其搵間食拉麵做最後的晚餐，佢地話超級勁難食喎！好在我胃痛無食到XD
最後一輯既相係呢度睇： http://www.flickr.com/photos/kapark/3130388839/in/set-72157611488373871/

day4@倉敷

第四日晨早離開廣島，出發去倉敷喇！廣島離倉敷大約一個鐘左右既車程，去到放底行季後就去倉敷美觀地區都遊覽。由酒店行十分鐘就到，美觀地區入口有條江戶feel既商店街，都係賣一d傳統食物或物品既舖頭，行入d會見到有條小川，兩邊都種左好多柳樹，街上面有車伕拉人力車載遊客遊覽外，水上面都有著住江戶look既船伕撐艇仔。多懷舊野既關係，好多日本傳統既小食，所以行到邊食到邊，樣樣都好鬼好食！係美觀地區食完lunch後就行返去車站既另一邊﹣chibori 公園，其實係一個遊樂場黎，第一次黎但應該都係最後一次lu。因為呢個遊樂場做埋今年就摺！個遊樂場都唔算細，好多丹麥屋仔，機動遊戲都係最基本果d，佢地玩左過山車，我心血少唔玩得啦，唯有自己周圍影相，日本冬天實在太早日落，四點幾已經開始黃昏，五點幾已經好似七八點咁！之後都有一齊玩坐船仔由高處衝落黎濕哂身果d（我唔知呢d叫咩~)，最後就坐摩天輪睇夜景後就出返去車站果邊食野喇！走左去一間好住家式既食店食syabusyabu，叫左三個餐，有和牛，黑豚肉同海鮮，肉就好食喇，不過個湯底就....超清，係一片昆布加一窩清水!食食下我都頂吾順，要勁到醬油落d湯度先有味d呢！可能太清既關係，唔太飽，食完走左去七仔買我至愛既克勤牌食，咁先夠滿足XD
倉敷既相可以去呢度睇﹣ http://www.flickr.com/photos/kapark/3116157598/in/set-72157611362874260/

day3@廣島+睇安室concert

行程第三日就係去睇安室BEST FICTION tour既演唱會，演唱會六點先開始，所以上半奏去左廣島原子彈爆發既地點，去睇下原爆dome。食完donut早餐後，就由八丁堀出發，撘兩三個電車站就到喇！沿住條河行，過橋後就到平和紀念公園，公園係紀念原爆既死難者，裡面有平和資料紀念館，展出左當時既戰爭同原爆既相片同資料。細個去廣島時入過去睇，今次時間關係，所以無入去睇，只係行左半個平和紀念公園就行去紙屋町行街同食lunch。行到四點左右,我同阿祖就行去廣島green arena睇安室喇，而波仔就自己周圍行。去到會場，第一時間去排隊買tour good先啦，因為晏Ｄ實爆多人，果然買完後無耐,條龍已經排到老遠~場外仲有三個安室VS廣告造型既看板，得個頭埋去就可以扮安室影返張相XD六點鐘左右終於開show，大場的確唔同Ｄ，雖然離個台幾遠下，但成個show都好正，有故事性又有視覺效果，但我唔係係安室既都話正架！安室有幾首歌都譚校長上身，唔記得歌詞就爭d囉XD　睇到八點幾就去返酒店附近join返波仔食晚飯，本來諗住去成棟都係食廣島燒既大廈食，但去到爆多人之餘，有d已經話收工唔做生意，果時先係九點左右，廣島的確清閒好多，食肆遲開早收擋!我地唯有走去附近另一間食廣島燒既食店，但都係要等位，好在等都值得，d廣島燒的確好好味！食完趕去平和大通，因為有聖誕燈飾睇，十一點就熄燈，去到都十點九，唯有走馬看花咁影幾張相，啱啱影到最後果棵聖誕樹，正正十一點就熄燈，日本咩都咁鬼準時~影完就返酒店lu! 聽日就會離開廣島，去倉敷喇！

是日相片去呢度睇啦- http://www.flickr.com/photos/kapark/3107647710/in/set-72157611175816313/

day1&2@広島+宮島

由關西機場坐新幹線到新大阪，再轉另一架新幹線去廣島，到廣島時已經七點幾。酒店揀左係廣島較旺既地方﹣八丁堀，諗住多d野行多d野食。由廣島站坐幾個站既路面電車就到八丁堀。咁啱撞正胡子大祭，成條馬路都變為行人區，兩邊開滿小食既攤擋，我地三隻餓鬼急不及待即刻開始掃街，因為個飛機餐實在太難食~結果呢晚既晚餐就係掃街喇！
第二朝晨早九點離開酒店，尋晚開滿攤擋既街，已經清哂，一舊垃圾都無，比著係香港，清場後都唔會咁乾淨！時間太早，咩都未開，得吉野家開左，咁就去左吉野家食早餐喇，食完撘返電車去廣島站轉車，去宮島口再坐船出發去宮島。一到步，已經見到兩三隻鹿，好鬼得意，又唔驚人，不過隻隻都好胃食，一見你食野飲野就即刻走過黎「炆」衫要你俾野食佢。沿海邊一直行就見到大鳥居，朝早潮水未漲，可以行近大鳥居影相，而世界文化遺產之一既嚴島神社就係隔離，我地又扮高中生買平飛入寺參觀XD。之後求其入左間餐廳食lunch，宮島出名蠔，所以差唔多成個menu都係蠔既食品，平時唔食蠔既我，見咁出名，當然要試下啦！果然好好味，連炸蠔都可以食到鮮味，正！食完之後見到有炭燒蠔同楓葉饅頭，又食過。食完就行去紅葉谷公園，紅葉都係京都最靚呢！之後沿住表參道既商店街行返去碼頭，回程時已經潮漲，我覺得呢個時候既嚴島神社同大島係最靚。返到廣島食完晚飯後，我同阿祖就去左Big Echo唱K，第一次去日本唱K，覺得幾好，入去只要同reception講幾多位同唱幾耐，佢就會俾個有房號既膠牌你，咁我地就自己上去搵房，價錢以時間計算，都無nuts同野飲，如果想叫野飲，就自己係個芒到touch screen order，唱到夠鐘就自己拎返個膠牌去reception埋單就ok，幾方便！每人都係唱左百四蚊左右，相對係香港唱日文K真係平好多呢！

頭兩日既相 http://www.flickr.com/photos/kapark/3088903619/in/set-72157610957092228/

BEST FICTION tour08@広島

今年又去睇安室，已經第四次睇喇，今次唔同d，係arena場，大好多！因為想去宮島，所以揀左去廣島，夾啱時間睇埋安室concert。至於點解想去宮島，事源上年安室做完play tour廣島站後，去左宮島玩，係會刊睇到宮島d鹿好得意，上網睇原來嚴島神社都好靚，就決定去宮島呢！成個行程去左廣島，宮島，倉敷，神戶，大阪。d相都未整理哂，暫時只upload左頭兩日係廣島同宮島既相，大家可以去呢條link睇相呀！
http://www.flickr.com/photos/kapark/collections/

i love art workshop

星期三晚又要落東角道間保記開ot set window.但十點先開得工，結果我地上左jerry同佢女友係耀華街開既兒童畫室度開餐。畫室開左近一年喇，畫班只係逢星期六日先開。以前我都去過畫室教細路畫畫賺外塊，畫室環境不外乎四面白牆，一塊白board，加上有如office一樣既假天花&白光燈...仲以為jerry既畫室都係咁，睇畫室門口既裝飾已經覺得好有jerry's style，入到去時，我同sam都嘩左聲，之後就不停話「呢個好得意呀！「呢個好靚呀！」因為𥚃面有好多佢女友handmade既吊飾同水彩畫，加上柔和既復古水晶燈，成間房個tone都好舒服呢！不愧為童裝V.M既jerry!不過發覺裡面有唔少野都係jerry係公司「撻」返黎既XD

如果大家有朋友既細路想學畫畫，可以上呢個網址度睇下http://www.iloveart-workshop.com

to jerry:　圖文並茂既推介，幫你賣廣告，識做啦！？

不過以上寫既都係事實，唔係吹水賣廣告架XD

"crew"哩

o係i.t.做V.M.，可以定期免費拎自己跟果條line既衫黎著當uniform。上次開會， 例牌又要每人有d新提議，jerry講左個類似i.t.既建議。可惜最後變左做一件靚爆既uniform，由十一月開始落舖做野就一定要著住呢件野~心口個「家」字我d頭髮啱啱遮得到，但後面咁大隻雞嗱字"working crew"想遮都難，試諗下成team人著住呢件野一齊撘車，食飯會似咩？似成班清潔工定似做速遞既「咕li牙」？唔好以為遲d凍左可以唔洗著，公司諗得好周到，整多件長袖青綠色既tee，俾我地著係裡面，做埋layering，真係爆靚！好似仲有件有帽衛衣款添呀~第時係舖頭見到我著住呢件野時，唔該唔好叫我個名XD

おめでとう☆安室ちゃん（congratulate to amuro)

namie amuro BEST FICTION TOUR 2008-2009尋日開始左第一場喇！尋晚急不及待睇下d日本fans係BBS報道第一場既消息！今年既曲目好啱我心水，終於無哂d舊歌，有d新意！邊睇BBS邊睇今年既tour goods，場刊月曆海報必買唔洗諗，今次d相好靚！最kawaii都係607080s造型既電話繩（即係VS洗頭水個look,香港早前播既係70s，而家播緊既係80s），超kawaii~會場限定品既糖果box都係入手之選，雖然4000yen幾貴下＝＿＝”！好在d環保袋紙巾盒勁娘，可以慳咁d！另外review返今年日本女歌手既銷量，不論大細碟同DVD，安室都係首兩位，勁！

"namie amuro BEST FICTION TOUR 2008-2009"tour goods online shop
http://bl.e-fanclub.com/amuro/webshop/#NA17-04-01

2008年　artist (female) single top 5
1) 455,614- そばにいるね / 青山テルマ feat.Soulja
2) 293,097- ６０s ７０s ８０s / 安室奈美恵
3）193,016- Mirrorcle World / 浜崎あゆみ
4）137,979- MOON / 倖田來未
5）132,482- love the world / Perfume


2008年　artist (female) album top 5
1） 1,414,607- BEST FICTION / 安室奈美恵
2）991,329-HEART STATION / 宇多田ヒカル
3）785,167-AND I LOVE YOU / DREAMS COME TRUE
4）783,009 - A COMPLETE ～ALL SINGLES～ / 浜崎あゆみ
5）5610,733-Kingdom / 倖田來未


2008年　artist (female) DVD top 5
1 ）125,418 ﹣NAMIE AMURO PLAY TOUR 2007 / 安室奈美恵
2) 125,352-史上最強の移動遊園地 WONDERLAND / DREAMS COME TRUE
3 ) 104,577 - KODA KUMI LIVE TOUR 2007 in TOKYO DOME / 倖田來未
4) 79,058-KODA KUMI LIVE TOUR 2008～Kingdom～ / 倖田來未 　
5 ) 76,624-ayumi hamasaki COUNTDOWN LIVE 2007-2008 / 浜崎あゆみ

齊輯輯!!

本來諗住去salon係咁二修下d髮尾，俾Alex（前左好幾年既髮型師）問我d前陰咁耐都係咁悶唔悶，我答得好快話悶呀！佢叫我試下剪齊陰，仲拎哂D日本雜誌俾我睇，d日本妹梗係kawaii啦，我驚我剪完kowai(恐佈）咋！俾佢游說多陣，諗諗下試下都無防既，橫惦d頭髮好快長。咁就剪左個咁既頭喇，不過都係睇唔慣，覺得好怪，而家出街都係將d頭髮潑返埋一邊，頂多留張自拍照留下念，叫做轉過下型像算把XD

山窿魚蛋

近排又落舖換季，又可以周圍食野！前日去香港仔，香港仔最出名係咩？梗係香港仔魚蛋啦！antony帶左我同hugh去歷史尤久既山窿謝記食魚蛋粉，個門面似一間廟多過似一間食店。裡面裝修幾殘下，起碼有三十年歷史~坐底唔洗諗梗係叫魚蛋粉，魚蛋唔大粒，同係MK食果d「硬實魚蛋」差唔多大，但就好味彈牙得多！食完唔夠飽，同hugh share多碗什會煱，咩餸都有，除左魚蛋外，牛腩都超林，好味:p 間野叫「山窿」我覺得好得意，antony話佢好細個時已經黎呢度食，話說N年前山窿謝記個老板係個山石底下開檔賣魚蛋起家而得名，不過聽聞以前係乒乓波咁大粒！而家當然縮哂水啦！

BoA-"Eat You Up"PV (Asian ver. )

BoA進軍美國既第一隻single"Eat You Up"已經可以係itunes度download。但唱片要11月先推出，PV亦分別會有亞洲版及美國版，亞洲版終於有得睇喇！呢個PV充份表現到BoA既舞藝超凡！我都係比較喜歡BoA呢種較簡單既style，直髮，boyish既打扮，日本往往包裝到BoA好Kawaii既少女feel，近年仲多左d成熟斯文look添！唔係唔好既，ok啦，但都係型d襯佢d~講返個PV，開頭好似好普通無咩特別，又唔係好睇到佢個樣，但後半部份唔錯唔錯,so cool~是非見てください~(≧▽≦)

Oh shit~

今日一開msn，karen就彈個message黎話：我地條team既老爺，係facebook add我地。大家突然好齊心咁即刻拿拿淋set哂自己facebook D相既privacy唔俾老爺睇到~如果俾佢見到我地平時有同其他部門既人玩，又或者私底下有節目無預佢，佢會吾like之餘，仲會開會時甚至無時無刻佢都可以玩陰寸，總之會好煩~唔add佢又係死！下次放相時要諗清楚先好upload上facebook，仲要唔好寫comment係d相度，如果唔係佢又會睇到d相~真係麻Q煩~

hei足四日の“中環王府水餃”

又一條友走去中環，因為lunch time中午時份勁多人，就行完H&M先去食野，行左去威靈頓街睇下有咩好食，之前經過見王府都想試下佢既水餃，聽聞好好食。水餃款式都唔少，都比較特別，例如有三鮮海參水餃，鮮肉津菜餃，羊肉京蔥餃，西紅柿雞蛋餃，鮮蝦帶子韮黃餃。我就試左鮮肉翠玉豆餃麵！麵就無乜特別，都唔錯，湯底可以話淡到水咁，我都要加豉油先食。但水餃真係好味，d肉汁好多好甜！唔怪之得食淨水餃仲貴過水餃麵呢！食完麵仲試埋佢出名既宮延甜品之一，豌豆黃，豆茸磨到好幼，又唔太甜，幾好！仲有另一隻叫驢打滾既宮廷甜品，但唔知係咩，驚唔好食，原來係豆面糕加上黃豆粉，裡面夾住紅豆餡既甜品。北京d小食名都幾得意，除左驢打滾，仲有愛窩窩、它似蜜、爆肚、門釘肉餅...不過呢d香港無得食！下次去王府要試下其他餃同蕃茄牛展涼麵先！

hei足四日の“試戴升級夾胸bar”

星期一請左日大假，咁就放足四日，無咩特別地方去，純粹hei下，休息下。wacoal搵左ayu做代言人，地鐵張4sheets有點AVfeel~其實影得個樣ok，只係個胸實在托得，夾得太勁！走去wacoal shop𥄫下個bar，原來新野黎，bar裡面胸中間仲有個扣，可以將“兩舊肉“夾埋d，咁條溝自然會深好多。個bar款就麻麻，所以無諗過買，但都無聊地走去試下。一試之下，個bar好似細d咁，有點窄~吾係太舒服，但個效果的確好勁，起碼升左1cup1/2!!胸口條線當堂深左長左好多，效果同夜晚係MK貼滿哂街果d夜總會poster差吾多。不過托到咁勁做乜呢？所以試完就算，都係正常果d bar舒服好多。無聊完行左陣就拿拿林返屋企，因為屋企無人，可以清靜下，咁得閒，夜晚又吾知食乜，所以就就地取材，整左個椰汁雪耳燉木瓜仲加左一茶匙燕，夠哂潤~

國慶hey x hey x戲~水禮@石澳

國慶果朝，四個同事一齊online相討去邊到好，最後都係去左石澳沙灘。十一點幾先約係荃灣，因為karen有車，可以車我地去，去到再join埋阿rex。最初都驚陰天無太陽，好在去到都曬，都咪話唔熱！咁晏去到實無車位啦，又好在阿bob個姑丈原來住係石澳，仲開左間士多。咁就泊左架車係bob姑丈屋企。仲免費租用locker添！租左張浮床，膽粗粗就同阿bob阿rex落海戲水，實情咁大個都未玩過浮床~可惡既係被阿bob整古，我坐左上浮床後，佢一手反我艇，我成個人跌左落水，海水都飲左兩啖，浸實浸我唔死，因為好淺水下，但本身我無諗過頭以上既地方會濕水架麻！對住六尺高既阿bob想還擊都幾難，加上佢返多兩日就last day，算數!搞都karen都唔敢落水，最後ivan同我地兩個再落水，pa係浮床唔洗"旭"，隨住海浪飄下飄下幾舒服架。karen帶左部1000d，我又帶左部G9，就係沙灘度勁影爛影。玩到四點幾，就渣車去左火炭津津食野，真係唔好食，以大牌檔黎講係難食添！食完又渣車去大圍傅師傅食甜品，食完仲車埋我返屋企，慳水慳力！不過開始涼lu，呢次應該係今年最後一次去沙灘呢！

青山テルマに会った

青山テルマ-Aoyama Thelmal中譯：青山黛瑪），係香港應該唔多知佢係乜水？佢係一個擁有四分之一既千里達島*血統，20歲既日本女大學生。今年憑「そばにいるね-留在我身邊」蟬聯公信榜top10長達12星期，同時音樂下載排行榜冠軍，並以史上最快速度下載次數突破六百萬！成為今年注目既女新人，更被封為日本四大R&B天后之一，與宇多田光，安室同MISIA齊名！一向都鐘意聽R&B，當然會留意青山黛瑪既歌啦！買左大碟"Diary"，裡面好多首都好好聽！正當近期煲碟之際，得知青山さん會黎香港開mini concert，仲會係朗豪坊舉行簽唱會。concert飛不作公開發售，係yahoo bid都唔平，concert睇唔到。但就去左簽唱會，之前係朗豪坊買滿$300就換到入場卷。尋日同阿祖準時三點去到朗豪坊12F，等左十幾分鐘，青山さん終於出場，真人的確比上鏡更瘦，古銅色既皮膚，雖然唔係靚女，但笑起黎都幾sweet架！同mc吹左幾句水後，唱左首本名曲「そばにいるね-留在我身邊」同「このままで-就這樣」，實力派的確實力派，冋聽CD一樣咁好聽！最後到簽名環節，難得地「mont車邊」同到青山さん影到張合照，當然開心啦！雖然我唔係super fans，但同日本artist合照係非常難呢，唔同香港，日本artist有肖像權，d經理人好緊張，要埋身影相難過登天~　想聽多d青山さん既歌，除左隔離既「そばにいるね-留在我身邊」，仲可以聽下面既「このままで-就這樣」同埋新歌「何度も」

*千里達島-一個位於中美洲加勒比海南部、緊鄰於委內瑞拉外海的島國。
このままで-就這樣

何度も

定期病患者

karen今日話我點解次次落舖就會病，因為我平均每兩個月就病，同落舖換季既時間差唔多~定期就見下我既女中醫同爆多人睇既男西醫。人地話財多身子弱，我覺得我無財身子更弱呢=_="，今次又係勁傷風+扁桃腺發炎+頭痛（好在未發燒），一邊打blog一邊流鼻水，食左藥都係咁流，都唔知d藥堅定流~而家洗完頭等個頭乾，先上黎呻下，平時病都唔多同人呻，因為講左都無人覺，個個見我面又紅，嘴又紅（無搽lip stick架），加上我可能病慣，又慣左無人理，所以撐得下，所以睇我個樣只會以為我好攰，唔會覺得我病呢！今次病完要去打支流感針，仲要買蜂膠食下，增強d抵抗力先得！

高溫BBQ~

九月之星係老細YM同佢愛將candy。老細最愛BBQ，所以大家唔洗諗都知會以BBQ慶祝！好在karen阿爸係警察，可以以$80/person 入去警察會燒野食。個燒烤場其實唔錯，有士多，個爐又夠大！但果晚真係熱到爆，又無咩風，我燒左兩野已經頂唔順，拿拿淋燒多幾塊方飽加兩件超好味既cova朱古力蛋糕填飽個肚就算，三十幾度對住個爐，人都顛~個場只係燒到十點左右就要收爐，YM好似意猶未盡想有下場，可惜大家都無乜意欲，各散東西lu~十月之星係alvin同jeffery，又有function搞喇！咩係X月之星？我地條team每月每人要供$50（好似供金會咁=_=，供到你唔撈果日就免供），呢筆錢就會為每個月生日既同事搞生日會。本來個idea幾好，但長期咁做，有點例行公事feel呢！

腦內maker，能力maker

日本仔咩都研究得一餐，近期網上興玩一個叫「腦內maker」同「能力maker」既推測遊戲。只要你輸入你既名，就可以check到你個腦裡面放左d咩，而「能力maker」就check到你既個性同能力。而我測驗結果係-愛、食、金、H。愛即係love啦，金即係$，食唔洗講啦，而H即係sex（日文Hする即係make love咁解）!haha!咁我既個性同能力係咩呢？凝聚力有100，sexy有80，行動力有50，使命感就有30。唔知算唔算準喇XD,但濱崎步就好準囉，成個腦都係$ haha! 你地都試下玩吖:)
腦內makerhttp://maker.usoko.net/nounai/
能力makerhttp://maker.usoko.net/nou/

生日豪宴@龍皇酒家

九月實在太多人生日，成家都係九月生日外，同事同朋友加埋都有6個，連安室都係九月生日。家姐生日，阿爸提議去由熾哥（前利苑總廚）主利既龍皇酒家食晚飯，龍皇出名食鮑參翅肚，所以都唔方平呢！由阿爸發板點菜，實豪到爆，鮑汁關東遼參成$128一條，佢話要叫4條!!阿媽同家姐即刻話「兩條好喇！」，佢地三個拗「４條定兩條」，拗到個侍應都出聲話「咁叫住兩條試下先」，最後先叫兩條-_-" 我當然無加入「戰團」啦！知我老豆個格，拗都無謂，癈事佢黑面添啦！鮑汁關東遼參上枱喇，條參約3寸長，加paul西蘭花成為$128，咁大個女海參就食得多，但咁樣原條遼參食就真係第一次，就係因為未食過，所以食完都唔知點樣先叫好食~不過d鮑汁就好正，唔係平時d蠔油汁當鮑汁囉XD　另外仲叫左五個餸，最好味係宮廷醬烤骨同脆皮雞，醬烤骨有d似扣肉，雖然本身我都唔食肥豬肉，但呢個肥肉同瘦肉梅花間竹咁一層層，肉好林，d汁又好味，正！不過呢間野菜式選擇唔多，d侍應又豬豬地，叫龍蝦喬麥麵，佢話係咪「龍蝦油墨麵」,入座時見我入黎拎住個蛋糕，就即刻同我老豆講生日快樂XD

BoAmuro

安室隻精選album"Best Fiction"連續6週oricon冠軍喇，銷量過左一百二十九萬，勁！除左安室係頭號idol外，BoA算係我第二個最鐘意既歌手。BoA同安室同樣歌舞皆精，但兩個既感覺都唔同。BoA係韓國人，算係第一位成功進軍日本既韓國歌手，由"吔吔嗚"既日文，而家講到一口流利既日文，真係羨慕呢~由02年係日本出既第一隻大碟"Listen to My Heart"開始聽到而家，今年既"THE FACE tour 2008"已經係第6個tour喇，DVD 17/9就推出之餘，啱啱BoA更開記者會話即將進軍美國，新歌"EAT YOU UP"7/10就可以係itune store download添！應該會係英文黎呢！未聽到新歌之前，先先睹為快，睇下"THE FACE tour 2008"DVD既preview先啦！仲有"EAT YOU UP"既cover!

I ♥ Olympic Game

以前仲係細路既時候，好唔鐘意奧運，覺得好悶，最記得果時完左奧運仲要有個叫「停不了的奧運」既節目，重播返精華片段，所以果時覺得奧運好似長到做左兩個月咁〜而家當然唔同呢，返屋企第一時就開電視睇奧運，每日都會上官網睇定女排既比賽時間表，放工就趕返屋企睇。最鐘意睇當然係女排，如我所料，世界排名第一既巴西奪金，實至名歸！由朗平做教練既美國隊囉銀牌，中國隊贏左古巴得銅牌，唔能夠衛冕金牌lu。中國話要舉辦一屆最好既奧運，我唔知係咪最好，但開幕禮的確非常精彩！京奧裡面，誕生左唔少新野，鳥巢同水立方，場館之中可算係最獨特觸目！今屆用金x玉既配撘做獎牌，非常有中國特色！仲有支上雪山吹大風都唔怕既祥雲火炬，勁！連我最愛既排球都轉左新look ，同樣係日本mikasa出品，顏色同樣係藍x黃，但皮料既分割形狀就變成旋渦形，皮的表面更壓了圓點既凹痕，可以減低球壓，球速就會變慢，咁比賽時來回球就會更多，球賽就會更精彩呢！ 好想要呢個新研製既排球，係日本yahoo見到有得bid，但要六百幾蚊，遲d一定會買返個，話哂都係京奧開始用既排球，好有紀念價值呢！

我的最愛

上星期六屋企無人，難得可以清靜留係屋企，就心血來潮想租方力申同Stephy既「我的最愛」睇，早幾個月上畫既時候影評同票房都好好，果時都想睇架喇，一來睇過「十分愛」覺得唔錯，當然要捧下方力申場啦XD　好少睇港產片既我，因為覺得通常都麻麻，特別係愛情或者笑片，通常都好垃圾。但呢套由劇情，編劇到演員演出都拍得好好，簡單唔花巧但拍得出唔少細膩既情節，唔少對白同情節都好到肉，笑位有唔少，又係我近期好欣賞既一位演員王祖藍既爆笑演出！近期既「內衣少女」認真麻麻，但爆笑位同樣係王祖藍！講返「我的最愛」，有唔少精句，最深刻同最有共嗚既係Stephy同祖藍講關於「我的最愛」，究竟「我的最愛」係咪真係好似電腦既「我的最愛」咁，鐘意就add，唔鐘意時就delete，「我的最愛」係有無盡咁多個...　如果你無諗過睇呢套戲，不防睇以下呢段Stephy同祖藍既對手戲，搞笑之餘，同樣有點心up...

np3.1

成年無做hair treatment，D頭髮乾到爆（同個人一樣=_=)，加上想留長d等秋冬時電髮，係時候要補養一下！呢兩日超free，老豆去左美國，阿媽又返左大陸，星期六日都可以安安靜咁過，又唔洗去飲茶，所以星期日就去左salon做treatment。N年前做過隻叫3.1既treatment，效果好好！但越黎越貴~今次俾個stylist講講下，就揀左做3.1。呢隻3.1 係日本出，一共有四支，頭三支都係髮型屋做，大約做一個鐘左右。最後一支就俾你拎返屋企，當護髮素咁用。做完d頭髮當堂滑不留手!同安室さん一樣”どセクシー”呵呵~
http://www.fiole.jp/products/np31.html

到手喇！

登登登...櫈!　先恭喜amuroさん隻精選大碟銷量衝破六十萬，仲不斷上升添！係日本鋪天蓋地既宣傳，一個月內登上各大雜誌的安室，足足有廿本之多（買到窮~)。啱啱去完北海道既阿祖，喪食喪玩左七日，都不忘幫我買amuroさん大碟同幫我拎左好幾本free magazine，仲有哈蜜瓜啫喱做手信添!多謝哂！

老闆榮升飯局@Shangri-La

Y.M.由Creative Director升左做Brand Director，當然要請成條team食餐好啦！當晚Y.M.攜眷兼帶埋愛女出席，成棚一共17人去左九龍香格里拉既cafe kool食dinner buffet，果晚有dress code架，就係一定要著黑白灰顏色既衫。估唔到星期二都爆場~七點幾先到，拿拿淋出去囉野食啦。由沙律到甜品既選擇都好多，各式沙律，麵包（有竹炭麵包，成個黑媽媽咁，味道同法包一樣)，冷盤都有好多種，D 德國ham勁好味！魚生凍蟹都ok，主菜比較特別既係，多數都係即揀料即煮既食物，可以自己揀料，之後俾廚師，可以即炒個干炒牛河之類既小炒，西式同樣係自己揀料揀醬汁，即整個白汁海鮮意粉都得，其餘既粥粉麵都係一樣，即煮既，不過食自助餐無奶油食小炒，平時都食唔少呢，所以我無食呀。另外仲有即燒既羊架，steak，德國腸都好好味！中湯係細細盅既燉椰子瘦肉湯，超甜，又係好好味！但我返而食得最多甜品，甜品每樣都好細件，可以件件都試下，最鐘意紅藍莓啫哩，酸酸甜甜！香橙蛋糕同焦糖布甸都唔錯!其他既甜品仲有豆腐花，雪糕，朱古力瀑布。咁多野食，$378一位~加埋一都四舊水，我都係鐘意食大排檔茶餐廳多d呢XD

I Can Celebrate...

朝偉結婚了！新娘當然係嘉玲姐，雖然我覺得始終都係張曼玉同朝偉最襯，不過感情既世界只有箇中兩個人先會真正體會同了解，旁人都只係好似猜謎咁估估下已而，估下邊個好，邊個蒲，邊個又同邊個有路....
能夠拍廿年拖很難，係娛樂圈拍廿年拖更加係難上力難，最後能夠共諧連理真係非常難得。傳媒問到朝偉同喜玲點解揀不丹呢個小國結婚，一個答「得意囉！」一個補答話「好莊嚴！」，咁就係呢個又得意又莊嚴既地方洗左過三千萬@0@淨係隻12卡既卡地亞介指都過千萬，婚紗同禮服加埋過三十萬，蛋糕都要萬三蚊。舉行一個如天文數字洗費既婚禮，我又吾羨慕呀，三千萬買層豪宅好過呢。羨慕既係嘉玲姐經過拍裸照事件同埋台灣富商呢件事後，朝偉都不離不棄，的確係好男人，又靚仔，呵呵..抵我朝偉係我偶像！唔係恨嫁，但我都希望第時搵到個好似朝偉咁既好男人就好喇XD

new VS CM "Showgirl x Namie"

香港仲不停播緊rock steady版本既VS廣告，日本係12/7已經有新一輯VS廣告喇！今次安室化身Showgirl，超索hohoho　希望香港都有得播啦！
Online Videos by Veoh.com

Do Me More PV

31/7安室出既精選大碟中，其中一首新歌Do Me More既PV concept正好同大碟名Best Fiction配合，PV裡面都係一d虛幻既野，雖然覺得個PV有d狗唔撘八，但安室兩個look都好靚，又夠型！

Online Videos by Veoh.com

714

呢個blog一週年喇！即係我又大一歲...今年牛一係星期一，請左日假同阿祖hea左日，最初大家都諗到好優閒咁hea一日，但最後變左趕足一日XD，係中環茶餐廳食過阿祖專登買既蛋糕同lunch後，就出發上山頂蠟像館。上山頂當然要撘下纜車先至係上過山頂，我地買左單程䌫車+蠟像館套票$140，平時淨入場費都要$140！蠟像館唔算多人，差唔多每個出名既蠟像都影一餐，最顛影劉華，唔知點解影左十張有多~，都唔明點解無朝偉，學友，安室既蠟像，Ayu都有竟然無安室，無可能~返而衛蘭呢d咁新既歌手都有！勁影一倫之後坐車趕去銅鑼灣唱日文K，真係好耐無唱喇，karaza平過j sound少少，但都係貴呢，所以都係趕住唱左一個鐘！唱完九點幾，去杏花樓食個甜品就閃lu。唯一有點美中不足係牛一果日無吹過蠟燭許願，硬係覺得牛一要吹過蠟燭許個願先至「鯪」！好在牛一前幾日，一班同事一齊叫外賣lunch又買左蛋糕，差幾日個願望都應該「鯪」掛XDD

P.S.特別鳴謝阿祖陪我玩左日，Janson既小禮物，屋企人請我食左餐$9xx王子飯店既lunch@o@，creative team既per-Bday lunch,以及各位靚仔靚女send黎既Bday greeting^^

印尼椰汁九層糕

本來父親節時想整印尼椰汁九層糕俾我老豆食，因為次次去親有呢種甜品既酒樓佢都會叫。不過前排買唔到木薯粉，所以無整到。尋晚凌晨我阿爸阿媽先係西安返黎，就打算今日整俾佢食啦，點知晨早六點幾我老豆已經返左上大陸lu，人影都未見過就閃左喇。既然買齊料，照整可也！整黎俾我家姐姐夫食都好。都成兩三年無整呢隻糕，好在做法簡單，只係花時間逐層蒸，味道當然好味,但係綠色果層唔夠綠囉，下次再整過！

重奪日本天后地位

安室出道已經16年喇，自95年尾安室加入了axev trax，小室哲哉為安室作了第一首歌Body Feels EXIT後，憑著精湛舞蹈同瞭亮既聲線，很快就人氣急升。安室係日本創下左唔少既「第一」，安室係日本音樂史上第一個登上美國Times雜誌封面既藝人。96年發行大碟"Sweet 19 Blues"，創下左高達360萬隻驚人銷量，係當時日本真係前無古人後無來者。之後97推出既單曲"Can you celebrate?"賣出250.8萬隻，係女歌手中之冠！而日本唱片大賞史上最年輕既得獎者都係安室，當時19歲既安室憑"Don't wanna cry"得獎，更頒受了「十代藝人大賞」，呢個獎只有兩人得過獎，而且呢個獎唔係每年頒發的。另一記錄係安室於97年宣佈結婚生仔休息一年，同年既紅白上，安室演唱"Can you celebrate?"，收視高達63%，隔年復出再上紅白演出，收視更突破68%，為史上第二，女歌手第一。除此之外，安室既打扮，造型更成了日本少女既模仿對象，被日本人稱此為"安室現象"。可見安室係日本既知名度及影响力之大。點解我要講咁多安室史呢？因為鐘意安室足足有12年既我，由佢唔係好紅，到紅透半邊天，再睇住安室因休業一年而被濱崎步既人氣蓋過，到近年安室再度重奪天后地位，真係「櫈」安室開心架！上一隻best album已經係六年前喇，雖然best album既歌我都有齊，但都好期待30/7推出既精選大碟-BEST FICTION，裡面追加兩首新歌-sexy girl同埋Do me more。封面更難得地花左唔少心機去做，以往既cover多數走型格路線，都唔會有咩電腦效果，但今次比較女性化之餘更用電腦做出噴筆既效果！靚爆XD

世界女排大獎賽2008-香港站

由中學時打校隊開始，每年都會去睇世界女排大獎賽，今年都唔例外，第一日賣飛就晨早去買喇。大獎賽分別係9個城市打預賽，香港係其中一個城市，而預賽中分數最高既5隊就會於七月中到日本打決賽。今年香港站既4隊有世界排名第2既意大利，排名第3既古巴，排名第6既中國同埋排名第8既日本。近幾年黎香港站打既隊伍都麻麻，中國就例必有得黎香港打，但另外果3隊，唔係多明利加就波蘭，泰國，見今年三隊有返咁下，仲有好耐無黎香港既日本隊添，爆開心啦XD所以貴d都買左最貴飛坐第一行，帶埋部350D去邊影邊睇。其實我又唔係最鐘意中國隊，通常邊隊打得好就支持邊隊，意大利對中國果場最刺激，邊隊贏左就係香港站既冠軍，最後打到第五局中國終於贏左，其實我覺得意大利打得好少少架，作客係輸洩d！日本隊雖然都知實包尾，但又打得幾好，件波衫超靚，no.係燙金！leaflet加燙金都矜貴d啦XD 第二場日本著果件黑x金色最型，連日本隊既隨隊助手著polo都拉高個領口，日本真係有fashion sense XD

煩~

我阿爸每個星期六返黎，第二日食完晚飯就會返上去東莞。所以我盡量都會星期日返屋企食。阿爸除左本身打工外，仲有自己搞d生意仔，每次返黎香港，好容易就會察覺到佢既財政狀況如何，佢一向大花同，如果果日只係落屋企樓下飲茶，我買野俾錢時佢彈開，就知道佢果排無咩錢洗。相反佢有錢果排，飲茶會去利苑，鴻星，旺角去九龍灣佢話撘的士，我買野俾錢時，佢會主動幫我俾添！朋友成日以為我屋企好有錢，因為成日見我去日本，見我屋企有部sony 42" LCD...　
我阿媽每逢知道佢有錢洗果排，有機會既話就想作我阿爸買野俾佢，我阿媽其實唔係真係有野想買，只係知道佢每當有錢時都會買好多野俾個二奶，簡單黎講，每當我阿爸肯買野俾佢時，佢會覺得條氣順d！今日我阿爸無啦啦話買本notebook俾我阿媽，因為我阿媽係工聯會學緊電腦，其實我部PC仲用得，根本唔洗買，但我阿媽唔理三七廿一當然想佢買俾佢啦，我同家姐其實都覺得無必要買，但如果出聲叫唔好買，之後我阿媽實會「哦」我地，好在姐夫出聲，最後無買到~跟住我阿爸無啦啦話去樓上燕窩買鮑魚煲湯，又買鮑魚仔又買海參，佢之後仲話買燕窩俾我同我阿媽食，我阿媽緊係爆開心啦，但我反而唔想，成日覺得咁樣好無謂，又side錢，最後仲買左成斤燕窩，成為$59XX！一來我覺得食燕窩要長期食先有用，只係食一排無用，咁呢一斤又食得幾耐呢？之後肯定唔會繼續買黎食，倒不如將呢幾千蚊俾我愛黎醫條腰骨好過呢！好多野睇黎好似好風光，好幸福，但其實好多時都係「你睇人好，人睇你好」

超似online make up!

係女皇教室@宇都宮個blog到見到有個網可以upload自己張相上去，即時係網上make up，發覺好好玩，化得超似，似過我用photoshop執，又唔洗用mouse逐下畫，襟個制就得！由眼影，假眼睫毛，眼線，烟脂，唇線，唇膏，唇彩，color con同假髮都有。色多仲有埋牌子，好鬼pro!整完仲可以save返落電腦，幾棧鬼。得閒可以去呢度玩下！http://www.taaz.com/index.html

又返大陸喇！

尋日同graphic同事Jeffery同埋supplier Ivan上去深圳office度尺，今次無左HR阿姐舒服好多！十點上到去，jeffery話去飲早茶，佢帶我去羅湖火車站既酒樓食，難食到咩咁，未食過有䓤粒既蝦餃，d蝦仲係變左。我同ivan丙到佢九彩！搞惦office既野之後，咁啱supplier Debbie同Tony又上左黎大陸，佢車左我地去八卦嶺既勝記食lunch。一落車落住微微雨，有個揸住把沙灘太陽遮既男仔走過黎接我地入去，六條友係遮下面慢慢行入食店都幾搞笑，我少返大陸，未見過有人拎住把咁重既太陽遮遮客人呢XD. Debbie佢地都成日黎呢度食，所以就由佢地發牌叫餸，叫左冰鎮青瓜，啫啫鴨舌，口水雞，鹽焗響螺，生煎飽，家鄉饅頭，皇帝菜同燉海底椰湯。冰鎮青瓜買相一碌碌放係冰上面，爽口但無咩特別！鹽焗響螺話係呢度既招牌菜，的確幾好味，螺用粗鹽醃過，焗後成碟螺都變成白色，鹹鹹地幾好味！家鄉饅頭成個啡色，味道似黑糖，甜左少少，都幾特別！口水雞吾算好辣，大陸既雞的確滑好多！生煎飽煎得啱啱好，唔油膩，但我都係鐘意食香港既多d。最好味係個啫啫鴨舌，好入味！食咁多野都係三百幾，debbie請，又慳返餐，食完三點幾，Tony就車返我同jeffery去落馬州站返香港，第一次由落馬州過境，個站好大，似香港既西鐵站，唔似大陸，感覺好過羅湖好多倍呢！

克勤牌

好耐無食我至愛既Haagen-Dazs喇！睇報紙話七仔有multi pack期間限定出，見到上年係日本七仔買過既吉士布甸味，即刻走去七仔買返盒。multi pack好少買，一來未必每隻味都鐘意，二來好多時都係大陸造。見今次日本造又有吉士布甸味當然要買黎回味下啦！上年係日本買既吉士布甸係「貶」身杯裝，雪糕上面有層薄薄既脆焦糖，同食真既法式布甸一樣，用匙羹打碎焦糖，連埋吉士布甸味既雪糕一齊食，好似食緊真既法式布甸一樣！正！不過今次multi pack裡面既吉士布甸就無左面果層脆焦糖，而將焦糖漿混入雪糕中，味道同係日本食既一樣好味，不過爭左層脆焦糖硬係爭d XDD　睇日本既克勤牌網站就會知出左咩新口味，去日本時不防去便利店買杯黎試下呢！http://www.haagen-dazs.co.jp/index2.html

四川大地震

四川8級地震發生已過左一個星期多，死亡人數已超過五萬，實在太難以想像。電視每晚做既四川特輯已經唔敢睇喇，唔係唔想關心，只係實在太慘，睇左幾分鐘已覺心情低落，睇完點訓得著呢！我d同事都同我感覺一樣，每日只會留意新聞睇下有無生還者，睇下胡錦濤到四川既花絮。但近日收到個fwd既email，睇完真係覺得有d恐佈~不過流傳還流傳，我諗大家最希望既係四川人能夠快d重建家園啦！出唔到力唯有出錢，個人覺得紅十字會同宣明會宣傳咁勁，應該好多人會捐俾佢地，所以我捐左俾我覺得最能夠直接「救到人」既機構—無國界醫生。你又捐左未呢？

天災...人禍....地震...巧合???
怎麼就這麼巧合
1月25日,雪災=天災
3月14日,藏獨=人禍
5月12日,地震=地災

1+2+5=08
3+1+4=08
5+1+2=08
08年08月08日奧運會
巧合？天哪 怎麼就這麼巧合
5月12日，距離 8月8日 ，是88天
一個福娃頭上是風箏，代表濰坊，於是山東出軌了；
一個福娃是藏羚羊，於是西藏出事了；
一個福娃是火炬，於是火炬出事了；
一個福娃是熊貓，於是四川出事了；
現在還剩一條魚,下一個不會就是海邊的城市吧！
真是佩服李白，在唐朝就知道今年奧運、地震,

北暮蒼山蘭舟四，
京無落霞綴清川。
奧年葉落緣分地，
運水微漾人卻震。

前四個字---北京奧運
後四個字---四川地震

騎呢office

勁唔鐘意返大陸既我，好唔好彩前日要同HR個manageress返深圳office，因為深圳搬office，六月頭搬，而家裝修得七七八八，話好多地方好吉，要整d野喎，但又話無乜錢，要平做！其實呢位manageress幾nice，只不過出名麻煩，騰雞，成日諗埋d唔靚兼唔work既野，上年做annual dinner時已令教過！其實佢已經resign左，但九月先正式走，估唔到仲有機會同佢交手。一到office，騎呢任務開始...
﹣2間細meeting room之間有落地玻璃隔開，佢話要整d有graphic既磨砂貼紙遮住佢，咁我話：點解吾做磨砂玻璃或加窗簾？佢話：想有通透感，所以做落地玻璃。如果係咁又點解要貼磨砂貼紙呢？佢又話：想做到睇到對面但又好似睇吾清楚對面咁。-__-"
﹣一塊牆中間有度同我咁高既小鐵門，門內係喉管，定期會有人黎檢查，其實度門已經同牆身一樣油上白油，基本上唔太覺眼，只係門框有些少突出黎，佢覺得度門好外眼，想整d野等佢無咁覺眼，其實門已經油左白油，已經唔覺眼，你再整野上去咪仲覺眼？-__-"
最騎呢其實係棟大廈，當佢去完廁所後，向裝修師傅詢問點解沖廁沖得唔乾淨，師傅話：你去呢個廁所係會咁，如果去另一邊既廁所就無問題（公司有兩個廁所），因為呢個廁所既屎渠係彎既，另一個廁所既屎渠係直既，所以會沖唔乾淨，師傅建議將廁紙分開掉！衛生係一個問題，但連廁紙都沖吾到，試問米田共又點沖得走呢？唔係又要分開掉下麻？

agnes b. cafe

之前係openrice.com睇過唔少食評都讚agnes b cafe既cake好食，都想試下，即興地同阿祖去左銅鑼灣禮頓道既agnes b. le pain grille 食tea。tea set$78包一件cake同一杯飲品，茶或咖啡有得refill。我地揀左黑白朱古力mousse cake同朱古力粟子粒mousse cake，飲品大家都揀左熱咖啡。餐廳以木枱木櫈配懷舊patten地𥖁，花紋白牆紙配懷舊牆腳，感覺似法國小鎮既咖啡店。蛋糕買相唔錯，唔算花巧，但味道就有點失望，黑白朱古力mousse cake唔夠朱古力味，似牛奶mousse多過似朱古力mousse，得個甜字。朱古力粟子粒mousse cake仲甜，食完有d"渴喉"添！我覺得好多餅店既蛋糕都比佢好食呢！至於杯咖啡，都係一般，starbucks好飲好多。雖然呢兩件cake都無驚喜，但佢地既service就真係好好！走時我take away買左兩件粟子mont blanc蛋糕返屋企試下。買兩件都包都勁靚，紙盒、絲帶、紙袋都印左logo，waiter仲好細心咁剪絲帶角；如果係美心，賣餅阿姐只會用尼龍繩極速紮盒，單手"chok"一聲就扯斷條繩啦！之後佢仲sell茶葉俾我地，仲即刻叫水吧沖左壼俾我地試，好飲真係好飲喇，清清地，聞落有果香，但真係好少會自己沖茶飲呢，結果無買到，非常唔好意思地走左。閒時享受個小high tea，同朋友吹下水，舒舒服服過一個下午都唔錯呢！

午後紅茶

第一次飲午後紅茶應該係七八年前去日本時飲,飲完就愛上左,之後返到香港每次經過日資百貨公司都會買支黎飲,雖然十幾蚊支,但比多幾蚊,總好飲過買支道地呢!之後每當午後紅茶出新口味我都會買黎試,不過始終都係原味同埋檸檬紅茶最好飲！
講開午後紅茶，有次上日本yahoo　search午後紅茶時，無意見到有個blog叫午後紅茶，就click入去睇下啦！原來係一個嫁左去日本既香港人寫既，住左六年，生左兩個仔仔，睇佢個blog睇到唔少日本既”獨特”文化，好似打風唔會好似香港咁八號波就唔洗返工返學，佢地無定架，幼稚園都係又學校決定洗唔洗返．最奇怪又最恐怖既文化係：原來日本葬禮興親人同死人合照，都咪話唔驚！佢個blog都幾多得意野睇，發覺原來係日本做師奶比香港辛苦得多呢！得閒都可以去睇下呢！http://hk.myblog.yahoo.com/miffyinjapan

部屋大革新

今年犯正太歲,的確幾黑仔,想轉轉運;加上姑姐同阿爸都再三叫我換過張床,就即刻同間房黎個大革新!執走房既雜物都花左成個星期,大部份都掉哂,發覺我最多既唔係衫,係安室既收藏品,海報七八十張,雜誌,tour goods由96年儲到而家,搞盡腦汁先將所有衣物雜物安頓好,終於上星期搞惦哂喇!稼俬要從新訂造,好在有大隻佬samuel幫手,先可以平平地做哂四件稼俬!仲幫我拆走張舊床添,另外又多得阿神幫我油左四個鐘油,真係唔該哂佢地呢!而家成間房感覺舒服好多,只係爭買埋部imac咁就prefect喇!

creative design

無聊時上網鐘意睇下Ｄ新design，近排睇到Ｄ幾得意既product design。條金條其實係door stopper，用𡚒金黎頂住度門都幾得意！真既金條就買唔起喇，但呢條都要$980，成千蚊愛黎頂住度門... 另一個批蘋果器雖然吾係好特別，但個design simple得黎又好modern，呢件批蘋果器成為$300大元！ 最後呢個隱形書架就幾得意，實際只有一個L形既鐵坐，將本書夾落個坐度就變左層板，咁上面就可以放書喇，呢個平Ｄ，百幾蚊就有喇。呢Ｄ咁creative既design都係唔捨得買呢！

60s70s80s

安室xvidal sassoon的single-60s70s80s終於推出喇!60s的NEW LOOK改編自60s The supremes的Baby Love.70s的ROCK STEADY改編自70s Aretha Franklin的同名曲.而80s的What a Feeling則是耳熟能詳由Irene Cara於80s推出的同名曲.平時聽歌既習慣,都必定會看歌曲既PV(即係MTV),特別係快歌,好多是會因為看完PV而愛上首歌呢!而且外國既PV製作往往比香港既用心!大家可以睇下由美國手屈一指既patricia field為三個PV做fashion stylist如何!?NEW LOOK PV裡面紅色冬菇頭果個就係佢喇!

友達

要成為朋友唔算難，基本上識既都可以稱為朋友。有人話我朋友少，但我覺得多同少唔緊要，真正關心你，有需要時會幫你，可以傾訴既先係真心既朋友，只係吃喝玩樂既朋友有幾難搵？隨時係落bar或者上網都可以即刻識番幾個呢！正正係三五知己同豬朋狗友既分別。難得成為知己，間唔中鬧下交好正常，過左啖氣邊有隔夜仇丫！我唔想下次出街要分開約你地呀！我又夾係中間，無話幫邊個既，大家都係friend，見你地嘈交我好唔開心呢，你地friend返好無？

北海道‧青森之旅

上一次去北海道已經係小學一年班，今次其實逗留係北海道只有兩日半，所以去既地方唔多，主要去左睇札榥雪祭同埋小樽燈路節。之後坐左七個鐘火車去青森住左晚溫泉酒店，第二日再坐兩個幾鐘子彈車返東京。札榥雪祭每年二月頭就會係大通公園舉行，大大小小各式各樣由雪砌成既冰彫，大既有幾層樓咁高，好壯觀。而小樽既燈路節雖然無冰彫，但沿著運河放滿左用雪砌唔同形狀既小雪洞，裡面點上蠟燭，好靚好浪漫，運河旁有個檔口仔，會派紙杯同蠟燭，大家可以係紙杯上寫上願望，點上蠟燭後，就放係雪上面。不過實在太凍，人又多，手震震寫完願望，影完相就走lu。北海道最出名既有長腳蟹、帶子、牛奶、哈密瓜、粟米...。果度Ｄ粟米求其係街邊買條都好好味呀！去到青森，當然要食盛產既青森蘋果啦，又係勁好味，好甜好爽，同係百佳買既華盛頓蘋果無得比呢！連Ｄ用蘋果做既食品都好好味！有機會一定要再去青森呢！

其他相放左係facebook，可以上去睇下架^O^

桃花園記

立左春，已經係鼠年喇！前排同connie搞office既CNY decoration，天寒地凍山長水遠call車入去大埔康樂園附近買桃花，而我地去左connie屋企幫襯開既添福園。一落車，老闆林伯就帶我地遊花園揀，桃花全部種係泥地，一排排好壯觀！但大部份已經俾客人預訂左，最後揀左棵$1300既。正等緊林伯劈桃花之濟，我同connie當然係咁遊，行番個桃花運啦XD,見到有Ｄ細細棵既桃花好得意，大家都心思思想買棵返屋企，結果我同佢都揀左棵細既桃花($200),插左係屋企的確增添不少新年氣氛呢!

聽朝晨早就去日本喇，11/2晚自己返黎先。祝各位靚仔靚女，鼠年順順利利！開開心心!

開工大吉

做生意既人要擇好日先開門做生意，打工仔都可以請大假擇個好日開工架！快Ｄ睇下你邊日開工大吉啦！

P.S 之前只有blogspot使用者先可以留言，我改番個setting，而家係人都可以reply comment架喇!

amuro namie x Vidal Sassoon

日本沙宣搵左安室做代言人promote新既洗髮水，話哂沙宣大牌子，當然比上次lucido hair color做得更認真同有規模。廣告主題為fashion, music,hair style既collaboration，fashion方面搵左曾經為'sex & the city'及'穿prada的惡魔'中擔任stylist既patricia field，hair style就搵左madonna既髮型師orlando pita。廣告係california拍，一共拍左三輯，分別以60s,70s及80s年代作背景。正式on air要到23/1先可以係日本睇到，但VS官網已經有得睇其中兩個TVC喇，仲有詳盡既making of,behind the scene睇添！最期待既當然吾係果30秒既廣告啦，因為今次安室同VS合作，廣告歌將會係安室12/3推出既single黎呢，所以今次既TVC亦都係新歌既MV，很少有連動呢！暫時兩輯廣告中只聽到其中兩首歌'new look'及'ROCK steady'，個人比較喜歡70s TVC中既'ROCK steady'多Ｄ！
快Ｄ去呢度睇下啦 http://vidal.jp

we miss u...terry

近排心情已經好差，好低落，每日仲要扮開心係公司笑臉迎人。啱啱轉左做V.M,拍住karen做男裝，新工作新挑戰，我要做好呢份工！可惜前日下午karen收到電話話terry過左身，聽到頓時呆左。話terry夜晚凌晨時係公司突然精祌失常送入瑪麗醫院，當係急症室接受完檢查後，佢突然衝出醫院，跨過欄杆跳落十六尺高既山坡，最後不治。以前terry係堡記同我同team，都係做graphic，一向都覺得terry既graphic係graphic team中最好，好helpful，仲成日請我地食野添。我初入黎時，terry出走廊食煙時都會叫埋我出去吹水輕鬆下，閒談中得知佢前年撞車後患左抑鬱症，大家同病相憐自然好傾Ｄ，但估吾到佢既抑鬱症嚴重到變成精神分裂導致今次...。上年terry被無辜解僱後，去左harvey nichols做，塞翁失馬焉知非福，harvey nichols當然比堡記好做呢！佢仲話吾洗OT，發揮空間更大！我坐繄既坐位，正正係terry以前坐既位，我台下面仲有箱terry既私人物品，果時仲話遲Ｄ出黎食飯先俾番佢，而家變成遺物，我坐係自己個位更覺得心up，都忍吾住喊出黎。尋日全個creative team既同事都比以往沉靜。最後希望terry係另一個世界生活得開心，生命看似很漫長，但可能一瞬間就會失去，所以希望大家多珍惜同關心身邊既人呢。