蘇梅遊

蘇梅嘅五日四夜旅程話咁快就過左，晏機去早機返，其實玩得三日，實在唔係好夠。蘇梅的確係一個令人好relax嘅地方，雖然無得瘋狂shopping，都無主題公園你玩。但可以好hei，靜靜地舒舒服服咁享受，的確將平時日趕夜趕嘅緊張生活踢走哂。可能天氣唔係咁好，天氣比香港仲清涼，遊客多數都係鬼佬，所以餐廳食嘅多數都係西餐，返而食泰國野嘅餐廳唔多。千揀萬揀揀左新開無耐嘅sareeraya resort，朋友仲email俾酒店話我地兩pair人都係honeymoon(當然兩pair人其實都未結婚啦)，咁就可以upgrade左兩晚嘅房，房嘅露台會多左個按摩浴缸，真係超舒服~最難忘一定係去左好鬼貴嘅six senses hideway resort裡面嘅SPA resort度做SPA，雖然係好貴，但對住無敵海景嘅獨立屋仔中做SPA真係無得頂，難怪呢間野係上年被選為全球最佳嘅SPA，之後仲係six senses嘅餐廳THE ROCK食birthday dinner，又係正到暈~雖然今次天氣唔係咁好，但都玩得好開心，下次一定再去蘇梅呢!

d相upload左喇，可以去呢度睇http://www.flickr.com/photos/kapark/collections/

出發喇！

而家係機場準備去蘇梅喇，香港打緊風，果邊應該陽光普照掛！下星期三就返黎喇！bye bye~

make up exam

終於上完十堂嘅新娘化妝課程，七月頭考試要兩個鐘內完成新娘妝加set頭，之後半個鐘內要轉晚宴妝同轉髮型。model要自己搵人，最好搵個雙眼皮，頭髮又唔太長嘅女仔,仲要方便得閒俾我約出黎練習，身邊得Dor Dor有呢Ｄ條件，又住得較為近我，可以約出黎練習XD Dor Dor足足俾我遭質左兩日做練習加大半日嘅考試，浪費左成日嘅七一假期，真係十分多謝Dor Dor抽時間，仲忍耐倒我當假頭公仔咁玩haha...好在考試總算順利成功，導師評我同karen化妝都無問題，但set頭時間控制得差，overtime左好多。set頭真係好鬼難，要練多Ｄ先得!而家已經接左Ｄ細job做下，多數係謝師宴嘅妹妹仔，同埋姊妹化妝，係時候要做張咭片，方便做生意haha...名到改埋，叫love puzzle，做熟左先敢接新娘化妝呢，希望可以賺Ｄ外塊幫補下啦XD 淨係買Ｄ化妝品同工具都洗左二千幾~ btw 打電話黎想化妝嘅咩人都有，有男仔話想化妝for謝師宴，更有打黎想幫六個北姑化妝....超奇怪XD
時間緊迫，努力中!
婚紗妝唔會太濃，粉橙色好襯Dor Dor!
轉左晚妝，揀左紫色，轉埋個頭同眼影。

Smiley catwalk show

公司呢期出左Smiley嘅衫，東tounch,F&B都有阿Sa著住Smiley影cover，宣傳比以往嘅芝麻街,Mr.Men更落本。係Smiley正式出街之前，六月尾係公司搞左個meeting with CEO，而今次由我老爺in charge，老爺大為緊張，最初仲以為呢個meeting會一如以往咁，由CEO出黎講下野，d directors著住果期嘅衫出黎say個hi呢d例牌動作。點知要囉彩嘅老爺搞左個Smiley catwalk show，要每個部門搵條友出黎行catwalk，本來抽籤抽唔中我，抽中老爺個秘書，以為咁好彩啦，點知最後都係我...因為個秘書多野做。最初聽聞個catwalk好簡單，只係著住smiley嘅衫行出黎就搞惦，點知rehearsal果日，又有舞台laser效果，又噴白煙，又要上台擺pose，仲話要拍片，當堂O嘴~但最後發覺其實行catwalk反而比其他同事幸運，因為full team要做幕後，老爺例牌發脾四，差唔多個個都受靶,而我只係輕輕鬆鬆咁行下擺下pose唔洗捱鬧呢:P
拖住我果個係product嘅director
全部"model"大合照，中間黑衫果個就係老爺，中間白衫果個就CEO
係另一邊廂，MKT搵左d正版model黎拍野，當中最型果個都非佢莫屬，近期麥記廣告嘅男主角。
仲有最可愛嘅BBmodel，一歲嘅日本BB，超kawaii，最右邊果個係佢家姐。
最後全公司嘅同事要係公司門口影大合照，呢個shot影左N咁多次，要扮到好開心興奮，舉哂手咁影，我d戲比較差，唔多入戲XD

滴住黎酒店buffet dinner

五月時係openrice見到有個關於母親節嘅比賽，寫一篇講你點同媽媽慶祝母親節嘅文章，內容夠創意，贏左的話可以免費去滴住黎酒店食自助晚餐。見個獎品唔錯，就「作」左篇野post左去openrice嘅母親節專版度比賽喇，見其他參賽者一般都係寫下同阿媽去邊樹玩，煮咩俾阿媽食咁，就作左篇題為「給不能吃甜的媽咪」去投稿碰碰運氣。點知真係贏左。上個月就揀左個星期六去滴住黎酒店食buffet喇。食buffet前，仲去左青馬大橋觀景台影日落，去到滴住黎站時啱啱放煙花，見仲有時間，係滴住黎入口嘅噴水池又影一餐先行去酒店。今次係第二次黎呢度食buffet，幸運地，上次兩年前食都係唔洗錢，人地請嘅haha...食物質素仍然keep到，唔錯，只係刺身同甜品爭d！廣告成日賣有米奇陪你食飯，無錯，隔左兩年仍然都係果兩隻老鼠，都係著住果兩套衫彈住走埋黎同你影相，唔明點解無唐老鴨囉~係咪驚個pat大得濟，難以穿梭餐枱間，or白色嘅毛太易污漕呢？不過無鴨陪食都仲有隻跳跳虎....有機會的話係呢間酒店住返晚都唔錯，不過記住唔好住Hollywood果間，好唔靚囉，貴少少都要住呢間迪士尼樂園酒店呢！
青馬大橋觀景台
迪士尼外嘅噴水池
用新買嘅50mm定焦影，雖然只係幾舊水嘅鏡頭，但質素非常唔錯！
好活躍嘅跳跳虎，跳足全場
又係呢條波點裙...其實我唔係好想影，不過佢走到埋黎唔通唔影咩~
甜品精緻，但味道就一般呢