今年母親節比以往有d唔同,因為家姐坐月中,暫時未出得街,我老豆例必星期日飲完茶就返上大陸,所以今年得我一個陪阿媽過.母親節禮物今年折現,諗少樣XD不過都照舊買花,以前送花唔係o係花墟買未包裝既花,就係臨時先買,記得上年果扎我家姐係百佳買,又平又靚XD今年預早係花店訂,$220節日價算係平靚正!中午去左isquare上面間阿一海景飯店,的確好食之餘仲有270度既維港景,呢餐唔知食左幾錢,只知唔方平XD因為買左飛睇葉問,食完就趕住落去睇戲,老豆埋單.睇完戲就入左廸士尼酒店食自助餐,因為阿媽想去試好耐,而我已經係第三次食,食物水準仍然keep到,唯獨是永遠都只係得mickey, minnie,跳跳虎撐場,影到我都唔想同佢影~唔明點解無唐老鴨,驚佢個pat太大掃跌野,定驚佢白色唔com污漕呢!?
每次d公仔行過,隔離枱個B就會勁驚勁喊,成餐飯d公仔都已避開隔離枱,但個b就算好遠見到都勁喊,乜d公仔真係咁得人驚咩?
老豆推介咸水角果然同出面食既唔同,面果層皮煙靭得黎唔"痴"口,好似食緊草餅咁.
冬瓜切成米奇頭既湯,次次都食唔到,今次終於食到喇!豬頭果個係奶皇包,比我想像中好食!
