貴州四天遊

今日出發去貴州喇，被稱為「天無三日晴，地無三尺平」嘅貴州，朋友為了出名嘅黃果樹瀑布而去呢！最怕返大陸嘅我竟然會北上，屋企人驚訝非常!!我d感冒仲未好返，好頭痛...豆腐身子嘅我希望順利過關，唔好俾人拎去檢疫XDD 一行五人, 星期日晚先返，祝大家端午節快樂^^

劉森記 VS 好旺角

前排同同事落舖，A同事推介去好旺角食粉麵，呢間野成日都經過，但見殘殘舊舊，咁耐都無食過，A同事話呢度樣樣都好食，大家各自叫左豬手撈麵、炸醬麵、雲吞麵、鯇魚粥同埋只有星期三先有得食嘅薑䓤灼魚皮。我細個唔食鹼水麵，但自從食過d好食嘅鹼水麵開始，偶爾去到d出名嘅粉麵店都會試下，好旺角嘅鹼水麵同元朗嘅好到底一樣咁好食，又無鹼水味，至於雲吞，又出乎意料地好食！豬手撈麵拍肥，興趣不大，但同事話好味！炸醬麵個炸醬都好食，但太細碗~實唔夠飽，至於個鯇魚粥，我怕鯹，覺得麻麻。最後同事極力推介嘅薑䓤灼魚皮，平時除左炸魚皮外，食蒸魚時我都唔食魚皮，但既然講到咁好食，就試下~又真係好好食喎*0*魚皮一d都唔鯹，又好爽滑，加埋d薑䓤絲最好味:P，至從呢日後，每逢係MK要食粉麵都例必到好旺角食喇！最鏡意都係食佢嘅雲吞^0^
之後又落舖，今次去完深水埗苦幹後，上次提議去好旺角嘅A同事再次話帶我地食好食嘅粉麵，實情果日好肚餓，唔多想食粉麵,當然我無反對啦！去到原來係劉森記，呢間個名聽過，聽聞d雲吞同黑柏葉好好食，但去親深水埗都係去食豬潤麵多。四條友都一致地叫雲吞黑柏葉蝦子撈麵，雲吞裡面都有蝦子，比較少見，好味！黑柏葉幾爽，我d同事話佢d麵好食過好旺角，但我又覺得好旺角嘅麵比劉森記嘅好，可能撈麵嘅關係，油左少少...
總括黎講，各有各好，雲吞方面，兩間都咁好食，但劉森記有蝦子係裡面，感覺仲好食d！但雲吞湯底同麵底就好旺角好d！價錢就劉森記抵好多，一大碟雲吞黑柏葉蝦子撈麵都係廿七蚊，食得好飽，每枱仲有一大樽自家製嘅酸蘿蔔，醃得啱啱好，飯前食兩粒，好開胃架！相反好旺角細細碗，都要成廿二蚊!
好旺角嘅雲吞，好味！
逢星期三先有得賣嘅薑䓤灼魚皮，我見唔少人入黎淨係叫呢碟食，就知有幾好食呢！
呢粒係有蝦子係裡面嘅劉森記雲吞！
劉森記嘅雲吞黑柏葉蝦子撈麵，d麵洒滿蝦子，好鬼香口!

mama's day

年年母親節不外乎都係飲茶，唱K或者去太古行apita+吉豬島（我阿媽好like行~)，今年節目都差唔多，唯一特別少少就係夜晚去左西貢食海鮮，出名嘅全記，通記聽聞好貴都唔係咁好食，所以揀左間朋友食過都話幾好嘅六福菜館。雖然訂左星期六晚，但六點鐘果輪晚市都full哂，母親節嘅關係，基本上無menu，個個都係點海鮮，我地叫左清蒸象拔蚌，芝士焗龍蝦，蒸海魚，風沙雞，上湯菜心，最後見枱枱都叫沙薑雞腳，就叫左碟黎試下！果然雞腳煮得入味又夠林，好味:P食完海鮮再去左甜源居食甜品!至於今年嘅母親節禮物就係高清錄影機，因為睇電視係我阿媽唯一嘅嗜好，除左新聞同港台節目佢無錄外，咩都錄黎睇...就因為咁，d錄影帶多到有幾十餅，為免太多錄影帶左住個電視櫃，就決定買高清錄影機喇！
清蒸象拔蚌，好甜好味!
芝士焗龍蝦，芝士汁比平時酒樓食到嘅清淡，反而幾好，唔漏之餘用d汁黎撈飯都得！
呢間菜館嘅招牌菜之一風沙雞，個人黎講對雞興趣不大，但呢隻又幾好味喎！

勝利小廚の泰式海南雞

而家每當落舖要爬梯吊野上天花時，都會好掛住阿bob，因為身高六尺二嘅阿bob，以前佢係堡記做時係我地嘅「人肉梯」，有咩唔夠高，就搵佢幫手，好過我擒高擒低XD 不過同佢講野係要"惡"高個頭，所以好少近距離同佢吹水XD 前排托阿bob買野，所以就約左出黎食dinner，有阿bob，點少得佢嘅吹水拍擋阿sam呢！佢兩個走埋一齊會變左個墟XD 我地一行三人去左阿sam介紹嘅勝利小廚食海南雞飯，間舖頭係近旺角太平道寵物街附近，八點幾黎到好在唔洗等位，舖頭細細迫滿人。叫左半隻去骨海南雞、蝦餅、馬拉盞通菜、炒豬頸肉、油飯。泰式海南雞最好食我覺得係西貢嘅滿泰，其次係旺角嘅泰妃雞，呢間拍得住滿泰！!圓碌碌嘅蝦餅（應該叫蝦球囉！）炸到金黃色，買相好靚仔架，學麗梅姐話齋，食落好有蝦味架XDD油飯唔油夠乾身，真係"來抺抺"(泰文好食咁解XD)，不過如果想慢慢座or座得舒服就唔好去呢度喇，多人時要撘枱，食完野侍應會即收碟，咁即係叫你食完好走啦!不過我地食完出面有人等位，都唔好意思座咁耐呢！
貌似sammi嘅sam & 貌似蘇永康嘅bob
炸得好靚嘅蝦餅，個醬好食過一般雞醬
切開後嘅蝦餅，熱辣辣~
阿sam話唔好叫一碟$40嘅海南雞飯，cos雞少而且d雞油會流哂落d飯度，叫半隻雞加碗雞油飯好食好多！
雜菌炒豬頸肉，呢個醬汁夠入味，但油膩左d，豬頸肉都係西貢泰滿好食d!

long time no see

同dor dor耐唔耐都會出黎食下飯，其實都起碼幾個月先見一次...因為我實在太懶約人，一係就好忙，忙完又懶得約人出黎，令願抖下:P　所以就算好close嘅friend，都好少見...今次同dor dor 食飯，特別想叫埋有成兩年無見嘅penny，因為佢七月就去北海道讀日文lu（羨ましい~超羨慕~)，係和民叫左個二人餐都鬼咁多野食，有刺身、壽司、沙律、湯麵、熱鍋豬排，特飲，份量都唔少，足夠三個女仔食!唔係間間和民都好食，太陽廣場呢間又ok喎！食完仲叫埋甜品添，邊食邊吹水，唔經唔覺都吹到十點鐘先走呢！

P.S to penny:我會盡量訓練dor dor架喇，希望下年你返黎時會見到一個硬淨d，唔會嗲聲嗲氣嘅dor dor XDD

食野前影返張合照先~
加$10嘅寒天小丸子抺茶雪糕，超抵！
有紅豆係裡面嘅pancake，有d似豆沙鍋餅XD