関西media trip-Day1@ 堺

男友接了單推廣關西旅遊既job，要過關西五日,join JTB搞既media trip，返港之後就要幫佢地係milk同metro pop出旅遊稿介紹關西。係出發前最後一個工作日，男友突然話有個位，可以俾我一齊去！但就要扮係metro pop既記者，幫手影相同drop note。有得免費去日本，做咕哩都抵啦XDD結果即日同公司話屋企有急事，要請幾日假...就咁，第一次無心理準備下去左日本。
一到關西機場，先會合左日本導遊水谷先生同有關呢壇野個日本佬，brief左一輪後就上旅遊巴去大阪一個較平實既舊區-堺。酒店舊舊的，周圍都係平房區，放低行季係大堂，終於見到泰國、韓國，台灣既採訪隊，旋即一拼出發採訪第一站﹣阪堺電車。阪堺電車同係廣島見到既地面電車無咩分別，無咩好睇啦XD　之後到晚飯時間，去左一間頗高級既鍋烏冬店﹣美々卯。據水谷先生講，美々卯有過百年歷史，會因應唔同季節配合唔同既食材，再配以自家製既蕎麥烏冬為主既麵類和食料理，侍應會按次序細心地將食物放係鍋中煮。類似我地食既一品鍋，烏冬比平常食既粗好多，聲稱美々卯既烏冬係煲極都煲唔爛（麻繩咁粗梗係煲唔爛啦XD)，但其實，大家都唔覺呢雙麻繩烏冬好食囉XDD　食完後終於可以返酒店休息，周圍百無一物，唯有去Lawson買個雪糕做甜品！第一日就咁完左！
好舊既酒店...
酒店周圍百里無一景物，行百米得一間Lawson...
行去阪堺車站中，好Q熱...
阪堺電車站
美々卯
左邊肥肥地既阿叔就係識講國語既水谷先生，但係佢既國語係好難聽得明，有時佢又聽唔明我地講既國語，所以我同佢吹水時會用日文，不過佢答我又係用國語XDDD　另外右邊果個女仔係Umagazine既blogger，左邊紅黑衫果個係東瀛遊既PR
麻繩烏冬一品鍋ＸＤ
反而呢個天婦羅仲好食！

First Birthday

八月真係忙到爆，八月各brand都要轉fall winter display，係公司由朝忙到晚.　28/8係bf既生日，第一年過生日，禮物一早已係月頭買左，但另外仲想有份有d心意既禮物。記得佢講過叫我得閒是旦畫d野比佢，就係呢一句，我就決定畫一張水彩送俾佢喇！最初打算畫佢最鐘意既北京地方﹣南鑼古巷，但淨係搵相都搵到我傻，係藝術中心同文化中心既舖頭搵，又上網搵，都無一張啱心水。結果唯有轉畫其他野，諗諗下就決定畫佢架車，畫車有d難度，咁耐都未畫過，仲要無畫成十年水彩，真係驚唔知畫唔畫到。但買哂水彩頻料畫具，點都要試下既！就係咁上網download左張相，跟住畫喇！好在效果都唔太差，唔算好滿意，但最重要都係一番心意麻，最後再係姨媽稼私買埋個相架廂係佢就完成喇。前前後後由諗到搵相，買用具同畫，足足由七月尾開始搞。另一邊廂，bf既朋友實在太多，三四十個....搞個party又係另一個要負責既項目，結果由搵場地到諮詢埋佢既朋友，到訂蛋糕，同樣花左唔少時間。party當日我估大家都玩得開心掛!?anyway,好難照顧咁多人既需要，都係最緊要係佢開心呢！
making of XD
finished!

世界女排@澳門

每年八月例必睇世界女排，本身香港站果四隊實在魚腩得很，就決定去澳門睇總決賽。好在多得bf個朋友係澳門做野，可以幫我係澳門買飛，比起上網買平一半呢！感激兩位幫我撲飛!　另一邊箱，突然台灣站搞唔成賽事，令到台灣站既美國，俄羅斯，意大利都過埋黎香港打，有我大愛既美國，當然要捧場啦！咁就變左連繼兩星期都睇波，睇完香港再過大海睇總決賽喇！
２７號晏奏過大海，再打的去東亞運體育館，場館外觀就唔錯，但設備就好麻麻，小食部無野食兼難食，場內又吾俾帶水同食野，又齌又口乾。夜晚去左朋友推介既咖哩屋食，果然唔錯！因為澳門d酒店太爆又太貴，所以book左珠海近關口既酒店過夜，五百蚊晚又好ok喎！
第二朝十點左右，就出發過返澳門睇總決賽，點知過關多人到爆，d人又打尖，又熱又哂又迫，下次免得過都係住返澳門好d...最後睇波睇到六點幾，美國贏左巴西得到冠軍，下年八月係倫敦奧運，世界女排會改期，好似話改係四月，good!!希望日本可以黎香港打啦!
咖喱屋對住觀光塔，好好view
第二朝既午餐，去咁多次澳門都係第一次食豬扒飽，比我想像中好食！
總決賽﹣美巴大戰

2011 birthday

今年生日感覺幾特別,陪我慶祝既有新既同事,新既朋友,新既男朋友,仲有新既屋企!所有既,上年生日都未發生同認識既.係未去日本旅行前,同事們買左個魔鬼蛋糕同我預祝生日。到正日果日好可惜落雨，無邊度好去，結果兩個人去左圓方睇變形金剛，夜晚就入左西貢食飯。生日後幾日，又同埋button Jason成班人唱k補祝生日，同樣都係魔鬼+天使蛋糕，乜我好似魔鬼咩?XDD。
由日本返黎果一晚(13號),好開心男朋友渣車黎接機,唯一有點"殘念"既係,果刻我無同我老豆講,呢個係我新男友,真係要同男友講聲sorry.因為唔想比我屋企人覺得一個接一個之餘,都會對佢既印象打折扣.唯有扮住係追求者先啦XD當我一開車門，見到一束勁靚既繡球花係櫈上面，但我老豆係度，唯有扮無野XD返到屋企，打開雪櫃，見到tony wong個餅盒，都估到又係男友買既蛋糕（終於唔會係魔鬼蛋糕喇XD)。係未踏入生日既時候，已經收到一連串既驚喜，好開心呢，多謝哂！仲要多謝祖祖既鬆馳熊差電器同我老豆請我去日本:)

瞬間就比我KO左既Tony Wong蛋糕XD
男友送既散紙包
鬆馳熊差電器
呢隻錶唔覺意比我係日本買既ViVi度見到，就四圍搵，最後又係我老豆比錢，當係送比我生日禮物

震後日本之旅-Day 4,5@大阪

最尾果日半,每次都係係附近shopping,今次都唔例外,但大阪梅田變左好多,成個大阪站啱啱係五月頭重開,上面多左個商場,E細丹,仲有Tokyu hands,真係多野行左好多,新商場D價位都幾高下,但行下都無防,仲有Top shop添,不過top shop同H&M差吾多,但賣成四五千yen實在太貴!六點幾,行到呆呆地,走出otobashi電器舖既時候,見到好多人拿住手機係咁影果天,一望之下,竟然有兩條大彩虹係天到,橫跨兩三棟大廈,對我黎講,我只係幼稚園時見過條超短加超甩色既彩虹...呢兩條雙彩虹為今次旅程畫上最美既句號:)
裝修左好鬼耐既大阪站終於完成!

震後日本之旅-Day 3@大阪神戶

離開左岡山返大阪,放低行季後就出發去神戶三井outlet,呢個outlet d牌子young d,beams,moussy,united arrow,franc franc....都OK啱我行,所以都有少少斬獲XD之後去左大阪必到既地方心dry橋,係神戶仲曬到隻野咁,返黎大阪就落雨喇,心dry橋對我黎講真係行到dry哂,淨係去左ABCmart睇下波鞋都無咩好睇,咁啱hea左入間藥房,又見到安室KOSE個counter仔,上面貼住話買兩樣送海報,即刻問下D職員仲有無得送啦,佢話仲有喎,對眼發光地買左盒眼影同支lip gloss,個sale知我like安室,仲比左好多catalog我XD 可惜當我返到香港先發覺送既海報之前阿祖已送左比我....並唔係我以為送既店頭直倒海報囉!
我仲以為係送呢張...
呢張16/7先出街既,我最想要係呢張呀!!

震後日本之旅-Day 2@岡山

第二朝食過至愛既pon de ring後就出發去岡山喇!天氣真係熱到爆,成36度,本身日本都係弱冷,加上節電,空調更弱,真佩服日本人既耐熱程度之高!背心短褲既打扮係一個都無...個個女仔都怕囇黑,著哂中長袖衫,仲要開遮防囇!勁!
實情岡山無咩景點,最出名既後樂園公園同岡山城,上網睇相後都唔想去...正好係桃既季節,岡山又盛產桃,所以決定去摘桃.先坐火車去瀨戶站再坐的士,呢區真係郊區黎,好靜!人都無乜,坐左十分鐘就到果園”桃荗實苑”喇.除左桃,仲可以摘提子,不過錢就分開計喇.最後錯揀左30分鐘放題食桃,其實食兩個都好飽,一黎佢已經每人比四個,就咁當午餐食,不過真係好清甜!!食完我地想去佢既專賣店睇下,專賣店離果園有一少段距離,而大部份人係渣車黎,得我地係撘的黎XD 園主好好人咁自己渣車送我地去專賣店.專賣店賣既都係果園既桃同副産品,涼完冷氣後就CALL的折返喇.時間太多既關係,岡山縣而有野行既地方唔多,最後帶左我前幾年同阿祖波仔去過既倉敷,因為阿爸未去過,而美觀景區我阿爸應該幾LIKE.可能天氣太熱既關係,美觀景區超少人,記得上次黎都幾熱鬧下,最後都食返上次食過既冷烏冬SET同獅子狗卷,味道依然好味!邊食邊諗起上次旅行既回憶...

桃荗實苑

好靚既溫室提子,但好在無摘,裡面成四十度....

震後日本之旅-Day 1@京都

無諗過地震後咁快會再去日本,同阿爸兩個人去雖然有時會悶D,但呢個係難得既機會,平時一個月見唔夠五日,今次連對五日,溝通下都好!
今次一到大阪後就撘火車去京都,因為阿爸要去京都睇少少公司野.所以係京都住左晚,住係離京都暫遠少少既新酒店ANTEROOM,一間好有藝術feel既酒店,酒店定期會有展覽係大堂度,又有D design書放係度比人睇.比平時去既酒店感覺好唔同,我幾鐘意!放低行季後,就去車站附近夜晚食左碗超好食既豬骨湯拉麵,好濃但又吾鹹,勁豬骨味既湯底,飲哂D湯都無口渴,證明無味精啦XD 係日本真係越多人排隊反而一定要食!黎得京都無奶油唔食下出名既抺茶雪糕,食完真係飽到上心口,返到酒店仲被迫食飯後果,結果成晚胃痛訓唔著....XD

寶屋@京都拉麵街
甜品,抺茶軟雪糕
日本車厘子第一次食,原來好好食架!

生日禮物?

有朝我老豆打俾我，話佢係豐澤買電話，可以以正價買ipad，問我要唔要。其實ipad對我黎講係愛黎做presentation，愛黎見工，暫時真係唔係咁需要，同埋「可以以正價買ipad」，豐澤百老滙賣既唔係一定係正價？係我未再考究正價與否既問題之制，腦海𥚃好似聽到我阿媽同我講：老豆買咩俾你都要啦，你唔要佢又係洗d錢係個女人度...所以我即刻答：好呀，要呀XDD不過點都好，都要多謝我老豆:)　雖然佢無講，但我當係今年既生日禮物黎架喇!

Teammate

繼係六叔做graphic後,相隔五年再投入marketing既懷抱...即係under marketing dept啦!designer永遠同mkt人都係水火不溶.出奇地係呢度又OK,可能我阿姐好人之餘,又有sense.而另外兩個做PR & MKT既Elaine同Karen又OK夾得黎.Karen就顛顛地,唔講野一分鐘佢應該會死XDD Elaine就有D似我,不過佢文人黎,寫野好叻,公司D Press稿都係佢做.可惜我阿姐唔多like Elaine,搞搞下,Elaine自己唔撈,上星期last day左,好豪地買左成百件Cova蛋糕做散水餅,仲係送上門.的確係好睇派頭既Elaine!第時我走,我都係會拎儲埋既美心餅咭買餅囉XD應該都唔會好似上次係堡記咁好心機整曲奇做散水餅XD

很堅的堅叔

估唔到堅叔會黎香港宣傳新大碟，雖然只係o係apm做新碟發佈會，但都想聽下佢唱live，上星期四就同阿祖放工趕去apm.去到都差唔多七點,爆多人,我地低估左堅叔既威力!係地面睇的話,阿祖都要伸哂頸先睇到下個台,以我咁既高度,只係見到backdrop頂...所以最後我地分開睇,我係一樓,佢係地面睇.等到七點三左右,堅叔終於出黎,全場閃燈不停,大家狂叫KENさん！堅叔真係好型,件西裝又靚!!等個MC同堅叔吹一輪水後,終於等到佢開甘口,一共唱左三首,最為人熟識既歌當然係瞳を閉じて!!雖然商場人來人往又嘈,但堅叔都好投入咁唱,三首都係零暇疵,如果係紅館唱的話一定更正!!聽完堅叔既LIVE,前日即去信和買左隻港版支持下,但可惜港版無DVD....早知買日版啦...

鳴謝黃文祖提供相片XD

shibuya illustration iphone case

舊嘅case爆左好耐一直都想換，但總係睇唔啱，無意中係homeless見到呢個case，係至愛嘅日本涉谷插畫！like!!

new home new life

成個月無寫blog喇，短短既時間就發生左好多時，加上忙爆既五月，實在有d
自搬返屋企後，發覺新裝修後既屋企的確較以前闊落舒服，但我間房已面目全非。窗台放滿阿媽既雜物同阿b既用品，連窗都開唔到，「能見度」比A3紙還細。新既衣櫃櫃桶同樣都係放滿阿媽同阿b既衣物，結果我搬返黎既衣物只可以放係紅白藍膠袋同o急入面，極之不方便...睡房都變左雜物房+育嬰室+美容室。呢頭阿b係我張床到換衫換尿片，轉頭阿媽就入黎敷mask搽lotion。到十一二到，阿b又例必勁喊...最後決定左自己搬出黎，揀黎揀去，最後都係揀返第一城。租貴加通脹，真係要好慳先得！上星期搬屋，多謝button上下兄弟們同阿祖既幫手，先咁快手幾個鐘就搬哂屋企d野過黎！月尾仲要搬多次電器稼私，又要再次麻煩ivan, dicky同jason做搬運工人。希望快d搞點間新屋，舒舒服服過新既生活啦^^
新屋對住城門河:D

The month of MAGin

踏入四月，排山倒海般既工作開始殺到，因為MAGin開分店，繼十二月開銅鑼灣店時，得個超細window已要連續星期五六日ot o到淩晨。今云係又一城開，舖大左，window仲有兩個，呢次睇怕又黎有排O....復活假前兩日就開始set場，復活假睇怕都無得「復活」XD。再加上銅鑼灣店每兩星期換一次window，真係諗到頭都爆！滿以為過了又一城Magin後可以抖抖，點知五月頭尖咀新港又開MAGin+Sinequanone。仲要兩個brand孖住黎，洗唔洗開得咁密呀!?真係人都顛~一個人做哂mi-tu, MAGin, sinequanone既graphic+v.m！吃力非常=_="體重下降了，但皮質醇上升不少XD
Magin老闆最落本做，所以不容有失！至於間舖賣咩？就係類似i.t咁賣好多brand既衫，但Magin只賣歐洲brand，所以都幾貴，但搵我有半價haha

N2

二月某日，收到同學仔既短訊話當晚凌晨有成績公報，早訓既我當然無理會，第二朝先上網check。本身諗住肥硬既心態，估唔到竟然pass左，真係好開心。讀日文既一班同學仔，大家都覺得pass並唔代表真係有二級既程度，日文實在係無底深潭，大家識既只係好皮毛既一少部份，淨係二級既文法，又多又相似，要好熟咁記得每個文法既用法，實在對我呢d part time讀日文既懶港人十分之困難。講真，考二級前真係無點溫（我唔係果d成日話自己無溫書但又考得好勁果d人XD），主要都係懶，加上早訓既我，放工後都無時間同精神溫書，又成日唔舒服，實際溫書既時間就係臨考前兩三星期，撘車時拿本二級精讀黎睇。一共173個文法既精讀，睇到一半已經唔記得之前邊個打邊個XD　至於一級，我無打算考，因為聽完先生話一級學既野，基本上佢地日本人平時講野唔會點用，如你係日本讀大學修日文，就係一級學既野喇！聽完後我覺得....咁我唔洗考一級喇，反而練下d會話好過XD

iphone電話繩小裝置

iphone無得掛電話繩對我黎講極為唔方便，前排晨早要去沙田新城市廣場set showcase，咁啱果日套衫無袋，但電話又要跟身，唯有做野時放低個電話，就係咁，放低左個電話係個showcase頂，個showcase唔係好高，仲要係透明既，當我記起我放低左個電話時，已經係8-10鐘既時間，即刻飛奔去睇下個電話仲係唔係度，十分好彩，可能朝早人流未咁多，無人發現，不過雖然話早，已經好多大陸人係度行街，一路做野已經有幾個大陸人黎問路。搵得返個電話真係好彩！嚇Q死！其實呢次已經唔係第一次，不過之前留低電話既地方都係公司或者公司舖頭，轉頭都記得拎返，再加上好邪地，係呢日之前兩晚我發夢係唔見左個iphone!　之前係日本見過有d小裝置可以令iphone可以掛電話繩，就拿拿淋上網買，兼買埋電話頸繩，咁第時出街做野，就可以掛起身！條電話頸繩因為有我家姐資助，所以買左條BV頸繩，多謝家姐!!
本來想揀淺啡色，但今季興呢隻橙粉紅，又係新色，就揀左呢隻色喇
就係留左電話係呢個showcase上面，

兩個半月

返新工返左兩個半月，實在忙到咩咁，因為公司好多brand，一個人負責每個brand既visual野，仲要做埋graphic，加上呢間公司既ad hoc野特別"hoc"，急到今朝收到order，晏奏就要做起，真係顛顛地。好在呢度d同事幾好，阿姐又幾好，先做得開心。唯一最唔like係我部PC，15"芒加部慢腦，真係做到火都黎埋，公司有部超大芒既imac，但竟然愛黎放係reception度播公司既brand image相ONLY....每次見到部imac都覺得好"side"，見工時見到呢部imac，仲以為自己都係用mac，點Q知竟然係...真係#$%^!
前日阿姐召我入房傾probation既野，未入去之前，我估會過到試用期既，但無諗過阿姐咁like我既表現，真係有點受寵若驚，諗番起以前係堡記既appraisal,個個輪住比老爺"卒"，一㗳砂糖一㗳A，句句說話都有骨，每次都好怕做appraisal。而家總算飲得杯落，起碼辛苦得黎係值得，最後仲加左少少人工，總算幫補番我返北角既車資同業主加租兼通漲XD

初二煙花自助餐

今年都未寫過blog，新工實在太忙...2011年第一篇blog就由年初二既煙火宴作開始啦！今年新年雖然我老豆唔係香港，但年初一二既例牌拜年仍然一如以往，今年仲多左我個姪女一齊去逗利是添！初二夜晚去左尖咀YMCA食煙花自助餐，早係一個月前就晨早去排隊訂位，揀YMCA只係貪佢夠經濟，因為問過附近既食肆，就算唔係自助餐，每人最低消費都五六百蚊，實在掠水得很！YMCA既煙花自助餐有兩種，一種貴多一百蚊，但可以上方17/F既天台睇煙花，唔洗同人迫又可以勁清楚睇，的確唔錯，。但我反而揀平少少，只係係4/F餐廳隔住玻璃咁睇，因為驚室外睇d煙花聲太震撼，嚇親我姪女，又怕佢凍。不過好彩我地既座位被安排到最近落地玻璃位，睇得非常清楚。野食方面唔算多選擇，反而冷盤最多選擇，整體味道偏淡，啱哂d鐘意清清地既人仕，包括我阿媽同我家姐XD 一到八點，餐廳就熄燈，隨即一個接一個既煙花嘭嘭聲咁射上天，估唔到餐廳會同步播埋官方放煙花時既音樂，呢下真係唔錯！可惜我個姪女太細唔識欣賞，加上熄燈暗暗地既關係，佢係訓著左XD　今次係第一次係尖咀睇煙花，以前係銅鑼灣果邊睇真係爭少少，今年既8字煙花，免仔頭煙花，笑哈哈煙花同I ♥ HK煙花都睇得好清楚！不枉我晨早起身去排隊訂位XD
發發發煙花
哈哈笑煙花
I♥HK煙花，但文化中心遮左HK兩個字睇唔到XD
散場後，一望對面，超級多人!!呢度只係影到一少部份。