m巾不是我的

以下係一星期前,茶水阿姐走黎我同Iris既位度講...

阿姐:你地d衛生巾唔好未包好就掉落垃圾筒,會"痴"住垃圾袋好難清理.唔知邊個咁做,所以同你地講聲.

我同Iris應左佢就算,阿姐走左後,我同Iris都話不黝都包好先掉架啦!

尋日,茶水阿姐再走過黎同我地講...

阿姐:係咪你地無包好就掉落垃圾筒?

我同Iris:唔係我地呀!

阿姐邊行邊講:以前都無人咁樣,係呢一兩個月先係咁....(暗指係我或Iris啦,因為我同佢係呢幾個月先黎做!)

無啦啦暗食死貓...澄清!未包既m巾唔係我既XD

FAMA Down To Earth Concert

香港歌真係好少聽，張敬軒，eason，G.E.M.同埋農夫，佔itouch個playlist只有兩三成，實在少得很！前三個都係唱得之人，唯獨農夫唔係，點解會聽農夫？等我都rap一rapXD 我未算係農夫既super fans，但佢D新歌我都有聽。可能鐘意聽Hip-hop，鐘意聽佢rap，歌詞到肉又押韻，聽得好過隱XD 講返個show XD，最震撼唔係edison出場，係一身全白addias套裝look 既麥玲玲出場最有noise XD，歌本身係hip hop，但演唱會將好多歌重新編曲，有rock版，都有unplugged，幾新鮮，但rock版感覺奇怪，都係原編好d！後半部有十幾分鐘棟篤笑，的確好笑!!雖然無睇哂全個show（因為第日要返工）但都覺得幾好睇！返而好過張敬軒，實在太悶XD
同宣傳海報一樣既太空農夫從天而降!
一開場有edison唱imagine，d觀眾好大反應，我只顧努力吹我既發光pon pon棒XD

少則費時,大則失事

真係好怕搵大陸人做野,雖然平,但質素唔穩定,跟得又咁好,每樣野又要變中文.foam board叫畫板,過膠叫過膜,不過呢d習慣左都溝通到.試過d野超趕,佢送貨落黎時被扣關,唔俾佢嚇死先奇!上次出colour test,間野好唔醒目地只係原稿直出,正路間間inkjet printing公司都會自動波除原稿外,仲會tone多兩三個深淺度俾你揀.okok,咁我提佢下次要出兩三個色俾我揀.點知今次佢又唔記得,我仲俾埋張print out佢跟色,跟唔到之餘又係得一張,再同佢講,結果我收到8張test,okok,8張咁多都無所謂,但呢8張個色差近乎零....時間關係,迫住揀左張我覺得分別大少少既一張XDD

Cousin's Big Day

由細到大到同d親戚都唔close，頂多過年拜山先會見下。我同我家姐一向都唔多like我阿爸d家姐（即係姑媽）。反而對我阿爸同母異父既細妹（即係姑姐）幾好感情。可能自我十歲左右，佢地反左面，就咁樣，中間十幾年都無見過我姑姐一家人。三年前又唔知點解會聯絡返，所以份外覺得親切，特別係兩個表弟，記憶中只有佢地六七歲個樣，再見面時大家已經廿幾歲，雖然大表弟同我同行，但反而同細表弟較好傾。尋晚係阿細表弟結婚既大日子，聽聞細表弟一向俾人話似林峯，我心諗唔係fa,佢係林峯我係鐘嘉欣啦(爆XD)，但當尋晚睇婚宴播既video，佢十幾歲瘦d果時的確幾似林峯'O'　可惜未到三十就發福，林峯變胡楓XD
係紅磡海逸酒店擺酒，個場唔錯，個stage幾靚！

順利過渡?

滿以為marshall被炒後,再請左alfred返黎做graphic會減輕我o既work load之餘,又多個人吹水食飯.點知上個月o係我sick leave果日,公司竟然炒埋alfred,同樣一句"唔適合"就bye bye.頓時又得返我一條友做graphic同displayo既工作.sick leave後一返到公司就被老闆召入房傾計,老闆第一句又係問"你做左幾耐?"呢個問題我每次見佢都被佢問,兩個月內俾佢問左四次都有~老闆隨即話我可以過probation,又話當放完產假o既阿珊返黎後,可以當佢係助手,分擔我d工作(實情分擔唔到囉!),又暗示唔再請人,係咁二加我少少人工就做兩個人o既野,而家仲做埋三個人o既野,真係一啖砂糖兩啖A~不過唔緊要,起碼過左probation,佢炒我的話都要補一個月,有返d保障!
好在我個位係倉入面,又"背窗面箱",無人睇到我部腦做咩,先可以上下網,msn XD
環境雖然麻麻,窗口都用紙封哂,但呢個死角位非常好"風水"XDD