生日豪宴@龍皇酒家

九月實在太多人生日，成家都係九月生日外，同事同朋友加埋都有6個，連安室都係九月生日。家姐生日，阿爸提議去由熾哥（前利苑總廚）主利既龍皇酒家食晚飯，龍皇出名食鮑參翅肚，所以都唔方平呢！由阿爸發板點菜，實豪到爆，鮑汁關東遼參成$128一條，佢話要叫4條!!阿媽同家姐即刻話「兩條好喇！」，佢地三個拗「４條定兩條」，拗到個侍應都出聲話「咁叫住兩條試下先」，最後先叫兩條-_-" 我當然無加入「戰團」啦！知我老豆個格，拗都無謂，癈事佢黑面添啦！鮑汁關東遼參上枱喇，條參約3寸長，加paul西蘭花成為$128，咁大個女海參就食得多，但咁樣原條遼參食就真係第一次，就係因為未食過，所以食完都唔知點樣先叫好食~不過d鮑汁就好正，唔係平時d蠔油汁當鮑汁囉XD　另外仲叫左五個餸，最好味係宮廷醬烤骨同脆皮雞，醬烤骨有d似扣肉，雖然本身我都唔食肥豬肉，但呢個肥肉同瘦肉梅花間竹咁一層層，肉好林，d汁又好味，正！不過呢間野菜式選擇唔多，d侍應又豬豬地，叫龍蝦喬麥麵，佢話係咪「龍蝦油墨麵」,入座時見我入黎拎住個蛋糕，就即刻同我老豆講生日快樂XD