準備開工！

三個月嘅長假終於要結束，尋日晏奏去左間港資手袋公司見工，一見就係老闆，老闆五十歲左右，極之健談，談天說地，天南地北乜到up,足足見左差唔多兩個鐘...今朝呢間公司打黎話叫我聽日返工，效率奇高!最後因為我後日仲要覆診睇腰，所以改左星期一開工。返工地點係勁唔就腳嘅紅磡，仲要返八點半!! 襯仲有餘下幾日「假期」，拿拿淋去做埋d濕碎野，包括換過哂期嘅回鄉証，去醫生度check眼，睇中醫(因為仍然訓得好差)，做埋d freelance咁~講開見工，由初出黎做野到而家，發覺過往請親我嘅必定係男人，女人in我的話，唔係我唔like份job，就係人地唔請。可能我無女人緣啦！所以連熟嘅朋友都係男性佔九成~啱啱驗完眼返黎，放大瞳孔好鬼辛苦，睇野勁矇，又攰又勁怕光，成隻鬼咁，所以而家睇電視電腦都要帶返副超先舒服，下面呢個浴衣x ray-ban look咁騎呢，即刻用電腦個cam影返張相，唔好睇我好似好精神，除左副鏡就殘到嚇死人XD
平時係屋企就係咁著，試過俾送貨送外賣嘅人見到，佢地第一下都呆一呆，乜好奇怪咩？