武漢五天地獄之旅﹣Day 1(part 1)

呢五日真係覺得好漫長，本身已經有心理準備會有好多阻滯，果然由一朝早出門開始，已極唔順利。約左d同事十點幾係深圳機場，本來由我屋企到火炭車站，只係頂多八分鐘既小巴車程，結果，我花左十個字先上到火炭，唔係塞車，係等小巴無小巴，等的士都無的士。最後終於趕得切到機場，大陸機例牌delay，去到閘口連飛機都無，都知有排等，等多陣，廣播話臨時改左閘口，okok!咁咪行去另一個閘口，今次有飛機喇，但未上得機喎，等左幾個字後先見d機倉人員慢條斯理咁上機！最後終於上得機喇！又繼續等，等等下聞到陣飛機餐味，一回頭望到空姐派緊餐，唔係fa，未起飛派餐？都未夠搞笑，當我啱啱食第二啖飯時，飛機突然行，另一邊廂，空姐們已拎住個大垃圾袋極速收餐，因為飛機準備起飛.........好在個餐可其難食，唔食都無所謂。有片為証!

最後班機delay左兩個鐘....上機騎呢，落機後仲騎呢，待續......