東京<沖繩 東京篇

第5日朝早撘十一點幾機去東京，一約兩個鐘就到羽田機場，羽田機場方便好多，半個中左右就出到東京，去到酒店放抵行李後第一時間去池袋北口既天下壽司食個last lunch，之後就出飛往涉谷shopping，而bf就去左原宿，各自各shopping!夜晚去左機舖睇下有無筍野夾，幸運地我地用左400yen夾到好Q既唐老鴨原子筆!第二日晨早去Mr.donut食過早餐後，就出發去第一日開張既吉祥寺商場coppice，因為東京第二間鬆馳熊專門店就開係呢度既6/F character land裡面，新開張例必有唔少限定版，所以明知要排長龍都要去呢！去到商場附近已見龍尾，見條龍行得都算快，滿以為應該好快去到，點知上到6/F，如要入character land的話，又要排另一條隊，沿著樓梯排又排返落2/F,好唔容易鐘意排返上6/F入到character land既area內，點知每間專門店各自有一條隊要排，唯獨是hello kitty無人排XD，鬆馳熊條隊最長，又由6/F既後樓梯排返落1/F，足足排左差唔多兩個鐘先入到店裡面，俾錢既隊又係好長，又店既入口己經係龍尾，好在可以邊排邊買，慳返少少時間。離開coppice已經點幾，就係附近搵左間魚生飯店食，600yen碗真係好食又抵食！食完就出發去銀座，諗住去銀座遊一陣就行去東京國際forum睇安室concert。點知兩點幾鐘收到joe既sms話安室尋日果場因聲帶發炎取炎左，當堂心情一沉，心知不妙，聲帶發炎邊有咁快好返，多少都覺得今場都會取消，再過多兩個鐘左右，咁啱俾我係apple shop用wifi上左網，馬上上vision factory睇，正如所料，今日果場都取消左，改左7/12補演。心情當然沉到落谷底...已經即刻諗，退飛還是再飛？竟然無得睇concert，將本來第二日既行程改左，就去左上野過埋係東京最後既一晚。而最後一日既行程，因為實在好攰，只留左係池袋shopping，之後就帶著些少遺憾返港，８日既旅程話咁快就結束。

後感：天晴下既沖繩真係好靚！自駕遊的確會方便好多，因為好多景點相距頗遠，單軌火車去到既地方唔多，巴士班次更疏得嚇人，咁多日我只見過五六架巴士...如只係觀光的話，沖繩去４﹣５日都足夠，洗費實情唔太多，因為無野買，頂多買手信XD　同學推介既必食既石垣牛同アグ豬果然好食！反而塩雪糕感覺怪怪，食完條利好鹹〜整個旅程最失望除左睇唔到安室concert外，就係吹唔到玻璃，本來book左整，點知去到先知要兩日後返黎拎製成品，早知的話，我會安排到沖繩第二日就去吹玻璃呢！下次再去的話，一定會直飛沖繩，再去埋石垣島!

本來想去夾鬆馳熊，但無心水，最後飛現呢隻「駝鳥唐老鴨」好得意就試下，經大家相討力學問題後，成功地用左400yen就得到喇!

去鬆馳熊專門店，一d都唔鬆馳！排左成兩個鐘，加埋之前日行夜行，攰上加攰~

去唔到joe推介既若狹家，估唔到係吉祥寺都食到好食又平既魚生飯！