新office

5/1開始係新office返工,由工廠區既荔枝角搬左去住宅區既西九龍-浪澄灣，浪澄灣係邊應該無咩人知，因為太新,都好僻下。撘mtr的話，由奧運站行得快都要10mins，好在而家返工撘巴士去到太子轉小巴仲快,七個字就返到公司。附近又無野食，如果要行去奧海城二期，要行15mins,一來一回都無左半個鐘...呢頭又近海，勁大風，近排日日都得果十度左右，凍都顛~至於公司裡面，當然大過以前好多，話舊office有三萬尺，新office有七萬尺，我又唔覺有咁大。先由門口睇起...

一入黎reception，個logo未整，暫時用sticker頂住先.

reception對開就係呢張圓形梳化俾我地話佢似夜總會大梳化XD

行入去office裡面必經既地方，但返左兩個星期，都未見過有客人坐係呢度，唔知愛黎做咩~

呢張係4/1返去執野時影既，而家個位無咁吉既

我個位正正對住老爺間房，佢間房個view係全公司最好，全落地玻璃加無敵海景！唔好見佢枱面有部imac，實情佢唔識用，只係用黎擺!佢平時係用notebook既。

黐住老爺房隔離有塊高到上天花既schedule board。全公司得我地條team有呢塊野，當然係老爺諗出黎既無謂野啦，“難“係要俾其他部門知我地條team幾有planning做野，我地個個都覺得超無謂兼造作，洗唔洗咁大張呀？

每個dept附近既牆都會裱左果個dept既icon，呢個就係我地條team既icon.

公司有三個pantry，呢個係最近我個位既pantry

呢個係最大兼最正既pantry，好野總係近fashion design果邊，仲有汽水機同零食機，lunch time時電視先會開。而呢度對出有個出口可以落去海過旁行下抖下氣

office裡面其實幾好，工作環境好的確可以做得開心d，但做得開心與否，最緊要都係睇最大果個同埋身邊既同事，呢條team既人事好似好和洽，但內裡實情好多互睇唔順眼既情況，差唔多日日都聽唔少，唯有聽完就算當練EQ呢