澳門美食trip

2/1無啦啦多左日假期（公司搬office補假）, 就同朋友去左澳門玩左兩日一夜喇。平時都係做野先過澳門，過親去都食唔少好味既野，但次次都係o係大馬路果邊食，所以好想搵次去行到邊食到邊。晏奏到酒店囉房之後就撘酒店車去左氹仔，先食話好出名既大菜糕，但我覺得我整得好食過佢XD之後再食木糠布甸，ok好食啦,好似食雪糕咁！邊行邊食咁行左去有好多綠色葡屋果度影下相（呢度幾靚但唔記得叫咩名），之後就返去官也街食誠昌蟹粥，果然非常好味！食完飯就由官也街行去威尼斯人，行左陣就返酒店喇。第二朝本來諗住去觀光塔頂間旋轉餐廳食lunch buffet,點知full左，唯有坐巴士去媽閣廟果邊食燒烤做lunch，行去食店途中經過媽閣廟出面有"美的"雪糕“，就整左杯食，$5球,雖然好細球,但又出奇地好食喎！食燒烤果間野唔記得叫咩名,都係書介紹既，叫左燒牛仔扒,燒春雞...，呢兩樣係最好味既！食完lunch行左幾個字就到下環，搵我想試既香蕉仔，香蕉仔其實即係香蕉味既雞蛋仔,但係蕉形既，都幾多人買格仔餅同雞蛋仔，但我覺得麻麻地好食呢！屋企樓下既雞蛋暫時係食過最好味既雞蛋仔！由下環再行廿分鐘就到大馬路，再食左好味既芒果豆腐花同蒸蘿蔔糕。最後行下大山巴同炮台公園，撘六點船返香港lu! 實情澳門的確無咩好行,但食就好正，又平又好食！