食粥五餐

上星期開始一食野就肚痾，其實耐唔耐就係咁，都係d感冒清唔到，腸胃炎感冒菌入腸之類，但今次食完藥都無點好到，前兩日一起身就胃痛痛足成日，六個鐘內食左三種唔同嘅胃藥都無好到，第二日唯有去仁安睇，醫生話如果係腸胃炎的話，無理由咁耐都唔好，佢"襟"我個胃同腸嘅時候都係痛，醫生話如果食左佢d藥都無料到嘅話，最好照下個胃同腸。今日食第三日藥，胃就無再劇痛，但腸都係超脹，已經食粥五餐，戒口真係幾慘，呢幾日除左粥，通粉同麵包係我嘅早午晚餐外，咩都無食，但今日又黎食完野又痾，雖然唔係痾得勁，但真係唔知d腸胃搞咩！真係唔多想照，照胃都還可以，照腸嘅內視鏡要係肛門放個內視鏡入去>O<！年尾的確特別黑，腰又未好，又成日感冒，又訓唔好，而家腸胃又唔知搞咩~快d到新年啦!