大澳兩小時遊

星期六好好天，就出發搵地方影相，最後揀左應該幾歲大時先去過嘅大澳。唔去唔知咁遠，又沙田坐E車去到東涌差唔多一個鐘，再又東涌坐11號巴士去大澳，又要一個鐘，來回差唔多四粒鐘，但逗留嘅時間只有兩個鐘左右XD，其實大澳得條吉慶街叫做有野行，由街頭到街尾都係賣海味，好彩仲有小食賣，有燒魷魚乾，茶果，雞屎藤，仲有賣飛佛嘅雞蛋仔，仲要係炭爐燒嘅，係香港真係絕跡咁濟。
係大澳果條橋度影
黑超阿伯賣嘅炭爐雞蛋仔，製作時間竟然比一般用電熱板嘅仲快!
炭爐整嘅的確別有風味，但口感較稔，似蛋糕仔多d，但反而啱我口味，太脆得個"蛋殼"果d，反而唔係我飛佛！
大澳海邊嘅屋都係長方形一格格，好似貨櫃咁嘅鐵皮屋，呢間我諗係大澳唯一嘅飛髮舖
嫌重，無帶支18-200，結果只係影到細細粒嘅蛋黃仔，"殘念"